52:278  neant  poenam  temporalem.  Duplex  iste  consolationis  fructus  notandus  est:  quod  proposita  salutis  spe  retinentur,  ne  reatus  sui  commemoratione  perterritae  in  desperationem  ruant  :  deinde  quod  assuefiunt  ad  tolerandam  aequis  et  tranquillis  animis  serviendi  necessitatem,  ut  libenter  se  viris  submittant,  quum  admonentur  hoc  genus  obsequii  et  sibi  esse  salutare,  et  Deo  acceptum.  Si  ad  operum  adstruendam  iustitiam  hic  locus  torqueatur,  ut  faciunt  papistae,  simplex  est  solutio:  quia  hic  non  disputat  apostolus  de  causa  salutis,  non  posse  nec  debere  ex  eius  verbis  colligi  quid  mereantur  opera:  sed  tantum  ostendi  qua  nos  via  perducat  Deus  ad  salutem,  cui  nos  sua  gratia  destinavit.  Ter  generationem.  Ridiculum  hoc  foret  hominibus  nasutis,  Christi  apostolum  non  modo  hortari  mulieres  ad  dandam  operam  procreandae  soboli,  sed  hoc  opus  tanquam  pium  et  sanctum  ita  urgere,  ut  rationem  esse  dicat  obtinendae  salutis.  Quin  etiam  videmus  quibus  probris  thorum  coniugalem  infamaverint  hypocritae,  qui  sanctiores  videri  prae  aliis  omnibus  volebant.  Sed  adversus  sannas  impiorum  facilis  est  defensio.  Primum  enim  non  tantum  de  gignenda  prole  hic  tractat  apostolus,  sed  de  perferendis  molestiis  omnibus,  quae  et  durae  sunt  et  multiplices,  tam  in  partu  quam  in  educatione  liberorum.  Deinde  quidquid  hypocritae  iudicent,  vel  mundi  sapientes,  pluris  hanc  obedientiam  facit  Deus,  quum  mulier  ad  quid  vocata  sit  reputans,  impositae  sibi  divinitus  conditioni  se  subiicit,  nec  taedium  gestationis,  nec  ciborum  fastidium,  nec  morbos,  nec  difficultatem  pariendi,  imo  potius  dirum  cruciatum,  nec  sollicitudinem  pro  foetu,  nec  alia  quae  sunt  officii  sui  detrectat,  quam  si  heroicis  alioqui  virtutibus  se  ostentaret,  Dei  interim  vocationi  obsequi  detrectans.  Adde  quod  non  potuit  aptior  afferri  consolatio,  nec  efficacior,  quam  si  rationem  et  medium  (ut  ita  loquar)  salutis  consequendae  in  ipsa  poena  ostenderet.  Si  manseritis  in  fide.  Quia  vetus  interpres  generationem  liberorum  posuerat,  vulgo  receptum  fuit  ut  ad  liberos  referrent  hoc  membrum.  Atqui  unica  vox  est  apud  Paulum  xexvoyovia.  Proinde  ad  mulieres  referri  necessarium  est.  Quod  autem  plurale  verbum  est,  nomen  vero  singulare,  nihil  habet  incommodi.  Si  quidem  nomen  indefinitum,  ubi  scilicet  de  omnibus  communis  est  sermo,  vim  collectivi  habet:  ideoque  mutationem  numeri  facile  patitur.  Porro  ne  totam  mulierum  virtutem  in  eoniugalibus  officiis  includeret,  continuo  post  etiam  maiores  adiicit  virtutes,  quibus  pias  mulieres  excellere  convenit,  ut  a  profanis  differant.  Imo  tunc  demum  generatio  gratum  est  Deo  obsequium,  quum  ex  fide  et  caritate  procedit.  His  duobus  adiungit  s  a  n  c  t  i  f  i  c  a  -  tionem,  quae  totam  vitae  puritatem  continet,  dignam  christianis  mulieribus.  Postremo  sequitur  18*