50:278  aussi  receu,  il  conferme  son  authorite,  laquelle  on  avoit  tasche  d'abolir.  Car  voici  l'astuce  de  ces  canailles  qui  avoyent  combatu  contre  luy,  c'est  de  luy  mettre  en  avant  que  les  Apostres  enseignoyent  d'une  autre  facon  que  luy.  Or  pour  ce  que  sainct  Paul  n'avoit  point  converse  avec  nostre  Seigneur  Iesus  Christ,  cependant  qu'il  vivoit  en  ce  monde,  on  eust  cuide  de  prime  face  que  les  Apostres  estoyent  en  degre  superieur,  et  qu'on  Ies  devoit  preferer  a  luy:  et  d'autre  part  ils  demandoyent  qui  l'avoit  constitue  en  ce  lieu  la,  comme  s'il  s'y  fust  ingere,  et  qu'il  y  eust  eu  de  la  temerite  en  luy  plustost  qu'autrement.  Il  faloit  donc  que  sainct  Paul  rembarrast  tout  cela,  et  qu'il  monstrast  que  vrayement  il  estoit  envoye  de  Dieu.  Et  au  reste  (comme  i'ay  desia  dit)  le  diable  suscitoit  les  autres  qui  venoyent  de  Ierusalem,  disans  que  c'estoit  la  mere  Eglise,  et  la  sainctete  de  toute  la  Chrestiente,  et  faisoyent  semblant  d'estre  zelateurs  de  la  purete  de  l'Evangile.  Parquoy  il  faloit  que  sainct  Paul  continuast  a  monstrer  qu'il  ne  s'estoit  point  avance,  et  qu'il  n'avoit  rien  usurpe  de  soy:  mais  qu'il  avoit  obei  a  la  vocation  de  Dieu  et  de  nostre  Seigneur  Iesus  Christ  qui  l'avoit  establi  Apostre.  Et  mesmes  il  fait  comparaison  de  soy  avec  Iean  et  Iaques,  et  Pierre  qui  estoyent  comme  les  pilliers  de  l'Eglise  (ainsi  qu'on  les  appeloit)  et  estoyent  reputez  aussi  entre  tous  les  autres:  il  monstre  qu'il  n'est  en  rien  inferieur  Et  pourquoy?  Afin  que  sa  doctrine  soit  receue:  car  voila  ou  il  regarde.  Et  puis  apres  quand  il  a  prepare  les  Galatiens  a  recevoir  en  obeissance  les  admonitions  qu'il  leur  fait,  il  traitte  ce  qui  estoit  alors  en  different  :  et  monstre  que  l'Evangile  seroit  abatu,  sinon  que  nous  ayons  ceste  liberte  qui  nous  a  este  acquise  par  le  sang  de  nostre  Seigneur  Iesus  Christ,  que  les  ceremonies  de  la  loy  ne  nous  tienent  plus  subiets  ni  bridez.  Car  (comme  nous  verrons  aussi)  quand  une  telle  subietion  seroit  receue,  tout  le  fruict  de  nostre  redemption  et  du  salut  qui  nous  a  este  acquis  par  le  Fils  de  Dieu  s'en  iroit  en  decadence.  Or  venons  maintenant  a  l'ordre  que  tient  S.  Paul  pour  approuver  son  authorite.  Il  dit  qu'il  est  Apostre,  non  point  du  coste  des  hommes,  ni  par  homme,  mais  par  Iesus  Christ  et  par  Dieu  le  Pere  qui  Va  ressuscite  des  morts.  En  premier  lieu  nous  avons  a  noter  que  sainct  Paul  se  fonde  ici  sur  l'ordonnance  et  le  decret  de  Dieu  pour  estre  receu.  Car  de  faict,  nul  ne  doit  usurper  l'honneur  en  l'Eglise:  mais  celuy  qui  y  est  appele:  comme  nous  avons  desia  declare.  Aussi  que  nostre  foy  sera  trop  debile  quand  elle  s'appuyera  sur  les  hommes,  quelque  excellence  ou  dignite  qu'il  y  ait  en  eux,  voire  quand  ils  auroyent  une  perfection  plus  qu'angelique,  ce  n'est  rien:  nostre  foy  est  si  precieuse  18*