5:278  secus  ac  de  bello  in  umbra  philosophari:  at  si  in  rem  praesentem  ventum  fuerit,  aliter  sentias.  Equidem  quanquam  longe  meliora  de  eius  bonitate  mihi  polliceor,  cuius  virtute  omnia  possumus,  nec  dubito,  quocunque  me  tandem  certaminis  discrimine  implicari  permiserit,  quin  eundem,  quem  dedit  animum,  ad  extremum  usque  spiritum  sit  confirmaturus:  nolo  tamen  in  me  oculos  coniicias.  Non  enim  ea  tibi  solum  propono,  quae  in  umbratili  mea  quiete  mecum  sim  meditatus:  sed  quae  sibi  semper  in  mediis  crucibus,  ignibus,  ferarum  lanienis,  subiecerunt  invicti  Dei  martyres.  Quorum  recordatione  nisi  sese  acuissent,  aeternam  Dei  veritatem,  [pag.  44]  quam  suo  sanguine  fortiter  obsignarunt,  perfide,  dicto  citius  abnegassent.  Atqui  non  ideo  illi  in  asserenda  veritate  constantiae  exemplo  nobis  praeierunt,  eam  ut  nunc  deseramus,  quam  sic  testatam  consignatamque  nobis  tradiderunt:  sed  artem  docuerunt,  qua  Domini  praesidiis  freti,  inexpugnabiles  contra  totam  mortis,  inferni,  mundi,  Satanae  aciem  consistamus.  Vale.  1)  1)  Vale,  deest  in  ed.  principe.  1  Petri  2:  Vos  estis  genus  electum,  regale  sacerdotium,  gens  sancta,  populus  acquisitionis,  ut  virtutes  enarretis  illius,  qui  vos  vocavit  in  admirabilem  lucem  suam.