49:278  dicando  Christo,  in  qua  mirifica  Dei  virtus  appareret:  deinde  accessisse  miracula,  quae  veluti  sigilla  erant  in  illius  rei  certiorem  notitiam.  Sermonem  et  opus  primo  ponit,  tum  speciem  unam  exprimit,  nempe  facultatem  edendi  miracula.  Sic  et  apud  Lucam  capitur,  ubi  dicit  Christum  fuisse  potentem  sermone  et  opere,  24,  19.  Item  apud  Iohannem  (5,  36),  ubi  Christus  ipse  Iudaeos  ad  opera  sua  mittit,  unde  habeant  divinitatis  suae  testimonium.  Neque  miracula  simpliciter  nominat,  sed  duobus  titulis  insignit.  Pro  eo  autem  quod  hic  dicit  potentiam  signorum  et  prodigiorum.  Petrus  Act.  2,  22,  habet  virtutes  et  signa  et  prodigia.  Et  sane  sunt  testimonia  divinae  potentiae  ad  homines1)  expergefaciendos,  ut  perculsi  Dei  virtute  eum  mirentur  simul  atque  adorent:  nec  significatione  carent,  sed  excitant  nos  ad  aliquid  de  Deo  intelligendum.  Hic  nobilis  est  locus  de  miraculorum  usu:  nempe  ut  reverentiam  obedientiamque  Deo  apud  homines  comparent.  Sic  apud  Marcum  (16,  20)  legis,  Dominum  confirmasse  doctrinam  subsequentibus  signis:  sic  Lucas  in  Actis  (14,  3)  narrat,  Dominum  per  miracula  testimonium  reddidisse  sermoni  gratiae  suae.  Quae  ergo  gloriam  creaturis  quaerunt  non  Deo,  fidem  mendaciis  comparant  non  verbo  Dei,  diabolica  esse  constat.  Potentiam  s  p  i  r  i  t  u  s  Dei,  quam  tertio  loco  ponit,  ad  utrumque  refero.  19.  Ut  ab  Ierusalem  usque  in  Illyricum.  Ab  effectu  quoque  testimonium  adiungit:  quia  profectus,  qui  ex  praedicatione  sequutus  erat,  superabat  omnes  hominis  facultates.  Quis  enim  tot  Christo  colligere  ecclesias  posset,  nisi  Dei  virtute  adiutus?  Ab  Ierusalem  (inquit)  evangelium  propagavi  usque  in  Illyricum:  neque  id  recta  via  ad  exitum  festinando,  sed  circumcirca  perlustrando  quaecunque  in  medio  sunt  regiones.  Caeterum  verbum  TCenXyjptouivac,  quod  implere,  post  alios,  vertimus,  significat  et  perficere,  et  sufficere  quod  deest.  Unde  TiX^pwjJta  tam  perfectio  dicitur  Graecis,  quam  supplementum.  Ego  libenter  ita  expono,  quod  evangelii  praedicationem  quasi  supplendo  diffuderit.  Coeperant  enim  alii  priores,  sed  ipse  longius  sparsit.  20.  Ita  annitens  praedicare  evangelium.  Quia  Paulo  necesse  erat,  non  modo  se  servum  Christi  ac  pastorem  christianae  ecclesiae  approbare,  sed  sibi  vendicare  personam  ac  munus  apostoli,  quo  sibi  audientiam  apud  Romanos  faceret:  ponit  hic  propriam  ac  peculiarem  notam  apostolatus.  Siquidem  officium  apostoli  est  seminare  evangelium  ubi  nondum  praedicatum  fuerit:  secundum  illud  mandatum:  Ite,  praedicate  evangelium  omni  creaturae.  Quod  diligenter  notare  oportet,  ne  hoc  trahamus  in  exemplum  universale,  quod  in  ordinem  apostolicum  specialiter  competit.  Neque  enim  vitio  vertendum  est,  *)  obstupefaciendos