47:278  in  nobis  affectus  accendi:  praesertim  vero,  ut  nimium  ad  sinistra  iudicia  propensi  sumus,  obtrectationes  locum  in  nobis  inveniunt.  Verum  credulitas,  quam  spiritus  Dei  in  apostolis  reprehendit,  nobis  exemplo  est,  ne  audiendis  malignis  vocibus  nimium  simus  faciles  ac  creduli.  5.  Quare  unguentum  hoc  non  veniit  trecentis  denariis.  Vulgaris  unguenti  libra  decem  tantum  denariis  constabat  teste  Plinio,  sed  summum  pretium  optimi  unguenti  idem'statuit  trecentos  et  decem  denarios.  Consentiunt  autem  evangelistae  fuisse  hoc  pretiosissimum  unguentum.  Quare  non  abs  re  Iudas  libram  trecentis  denariis  aestimat.  Quae  summa  ad  quinquaginta  libras  monetae  gallicae  ex  supputatione  Budaei  adscendit.  Porro  quum  omnes  fere  delitiae  luxum  superfluum  implicitum  habeant,  quo  maior  erat  pecuniae  iactura,  eo  plus  coloris  ad  murmurandum  habuit  Iudas,  ac  si  diceret,  Si  fecisset  Maria  exiguum  sumptum  excusationis  aliquid  haberet,  nunc  vero,  quum  in  re  nihili  immanem  pecuniae  summam  perdiderit,  nonne  iniuriam  fecit  pauperibus,  qui  multum  inde  levationis  sentire  poterant?  Nullam  ergo  veniam  meretur  eius  iactum.  6.  Quia  fur  erat.  Reliqui  apostoli  non  malo  quidem  studio,  sed  inconsiderate  Mariam  damnant.  Iudas  autem  sceleri  suo  honestum  praetextum  captat,  quum  pauperes  in  medium  adducit,  quorum  nulla  illi  erat  cura.  Docemur  autem  hoc  exemplo  quam  monstruosa  bellua  sit  habendi  cupiditas:  damnum,  quod  sibi  fecisse  Iudas  videtur  ablata  furandi  materia  ad  tantam  eum  rabiem  adigit,  ut  Christum  prodere  non  dubitet.  Et  credibile  est  non  modo  apud  alios  mentitum  fuisse  de  pauperibus  fraudatis,  sed  sibi  quoque  intus,  ut  hypocritae  solent,  blanditum  esse:  quasi  leve  delictum  esset  Christi  proditio,  qua  pensare  volebat  acceptum  damnum.  Prodendi  quidem  Christi  una.  fuit  causa,  ut  praedam  e  manibus  elapsam  ad  se  quoquo  modo  retraheret.  Nam  concepta  ob  lucrum  amissum  indignatio  eum  ad  prodendi  Christi  consilium  impulit.  Mirum  autem  est  cur  talem  oeconomum  delegerit  Christus,  quem  sciebat  furem  esse.  Quid  enim  hoc  erat  aliud,  quam  laqueum  porrigere  quo  se  strangularet?  Non  est  quod  hic  respondeat  mortalis  homo,  nisi  Dei  iudicia  profundam  esse  abyssum.  Interea  Christi  factum  in  communem  regulam  trahi  non  debet,  ut  pauperem  curam  vel  aliud  sacrum  munus  mandemus  homini  nequam  et  scelerato.  Legem  enim  imposuit  nobis  Deus,  quinam  ad  ecclesiae  regimen  aliaque  officia  vocandi  sint:  hanc  transgredi  fas  non  est.  Alia  fuit  Christi  ratio  qui,  quum  aeterna  Dei  esset  sapientia,  arcanae  eius  praedestinationi  in  Iudae  persona  locum  dedit.  7.  Sine  eam.  Quum  Mariam  omitti  iubet  Christus,  perperam  et  iniuste  iacere  docet,  qui  proximis  suis  siue  causa  molesti  sunt  ac  litem  de  18*