52:277  277  CAPUT  II.  278  etsi  non  exprimat,  voluit  tamen  a  lectoribus  expendi.  Moses  autem  docet,  ita  posteriore  loco  creatain  esse  mulierem,  ut  sit  quasi  viri  accessio:  et  hac  lege  fuisse  viro  adiunctam,  ut  praesto  adsit  ad  exhibenda  obsequia.  Quum  ergo  non  duo  capita  Deus  aequa  potestate  creaverit,  sed  viro  addiderit  adiumentum  inferius:  merito  ad  illum  creationis  ordinem  nos  apostolus  revocat,  in  quo  relucet  aeterna  et  inviolabilis  Dei  institutio.  14.  Et  Adam  non  fuit  deceptus.  Respicit  ad  poenam  mulieri  inflictam:  Quia  obedisti  voci  serpentis,  sub  viri  potestate  eris,  et  ad  illum  appetitus  tuus.  Nam  quia  exitiale  consilium  dederat,  digna  fuit  quae  ab  alieno  iure  et  arbitrio  pendere  disceret:  quia  virum  abduxerat  a  Dei  imperio,  digna  fuit  quae  omni  libertate  privata  sub  iugum  redigeretur.  Caeterum  non  simplicem  aut  nudam  transgressionis  causam  hic  apostolus  obtendit:  sed  pronuntiata  a  Deo  sententia  nititur.  Quamquam  videntur  haec  duo  nonnihil  pugnare,  quod  mulieris  subiectio  poena  sit  transgressionis:  et  tamen  illi  fuerit  a  creatione  imposita.  Nam  inde  sequitur,  prius  addictam  fuisse  servituti  quam  delinqueret  Respondeo,  nihil  impedire  quominus  et  naturalis  ab  initio  fuerit  conditio  parendi:  et  deinde  propter  peccatum  accidentalis  serviendi  esse  coeperit,  ut  iam  minus  liberalis  sit  subiectio  quam  prius  fuisset.  Caeterum  locus  hic  quibusdam  occasionem  praebuit  ut  negarent  Adam  errore  lapsum  esse,  sed  uxoris  tantum  illecebris  fuisse  victum.  Putant  igitur  mulierem  tantum  astu  diaboli  deceptam,  ut  se  et  virum  diis  similes  fore  crederet:  Adae  vero  nihil  fuisse  persuasum,  sed  fructum  gustasse  ut  morem  uxori  gereret.  Atqui  hanc  opinionem  promptum  est  refellere.  Nisi  enim  fidem  habuisset  Satanae  mendacio,  non  illi  exprobraret  Deus:  Ecce  Adam  quasi  unus  ex  nobis.  Sunt  aliae  rationes  quas  taceo:  quia  non  longa  refutatione  indiget  error,  aiulla  probabili  coniectura  fultus.  Paulus  enim  suis  verbis  non  significat  Adam  non  eadem  implicitum  fuisse  diaboli  fallacia:  sed  tantum  causam  vel  originem  transgressionis  ab  Eva  profectam  esse.  15.  Servabitur  autem.  Quia  imbecillitas  sexus  mulieres  reddit  magis  suspiciosas  et  timidas:  et  talis  erat  superior  sententia,  quae  vehementer  percellere  et  consternare  vel  maxime  viriles  animos  posset:  ideo  adhibita  consolatione  temperat  quod  dixit.  Neque  enim  nos  ideo  accusat  vel  coarguit  spiritus  Dei,  ut  pudore  confusis  insultet:  sed  prostratos  mox  erigit.  Poterat  hoc  (ut  iam  dixi)  exanimare  mulieres,  quum  sibi  imputari  audirent  totius  humani  generis  exitium.  Qualis  enim  est  hic  reatus?  praesertim  quum  in  subiectione  ira  Dei  assidue  versetur  ob  oculos.  Ergo  Paulus  ut  illas  soletur,  ac  suam  illis  conditionem  tolerabilem  reddat,  spem  salutis  relictam  esse  admonet,  utcunque  susti-