51:277  277  SUR  L'EPITRE  AUX  EPHESIENS.  278  contente  de  nous  choisir  gratuitement,  d'autant  qu'il  luy  plaist  de  faire  ainsi.  Or  maintenant  nous  voyons  comme  ceux  qui  cerchent  la  cause  pourquoy  Dieu  nous  a  eleus,  voudroyent,  entant  qu'il  leur  est  possible,  renverser  son  conseil  eternel:  car  l'un  est  inseparable  d'avec  l'autre.  Si  Dieu  nous  a  eleus  (comme  il  nous  est  ici  monstre)  il  ne  faut  pas  que  rien  depende  ni  de  nos  merites,  ni  de  tout  ce  que  nous  pourrions  avoir  a  l'advenir  :  mais  Dieu  l'a  fait  selon  sa  volonte  gratuite,  et  n'a  trouve  autre  raison  que  son  bon  plaisir.  Si  cela  semble  estrange  a  quelques  uns,  c'est  qu'ils  veulent  faire  Dieu  comme  un  petit  compagnon.  Et  en  cela  voiton  leur  audace  diabolique,  qu'ils  ne  peuvent  permettre  que  Dieu  domine  en  pure  liberte,  en  sorte  que  ce  qui  luy  plaist  soit  trouve  bon  et  iuste,  et  droit  sans  contredit.  Mais  que  telles  gens  abayent  comme  des  chiens  tant  qu'ils  voudront,  si  est-ce  que  voici  un  arrest  irrevocable  que  le  sainct  Esprit  a  prononce  par  la  bouche  de  sainct  Paul,  c'est  a  scavoir  qu'il  ne  nous  faut  point  enquerir  plus  outre  de  la  cause  de  nostre  election,  que  de  venir  au  bon  plaisir  de  Dieu,  c'est  a  dire  a  une  volonte  gratuite,  par  laquelle  il  nous  a  choisis,  encores  que  nous  n'en  fussions  pas  dignes,  encores  qu'il  n'eust  autre  regard  sinon  de  dire,  II  me  plaist  ainsi.  Voila  donc  en  somme  ce  que  nous  avons  a  retenir  de  ces  mots  de  sainct  Paul.  Or  quant  et  quant  il  est  dit  que  c'est  a  la  louange  de  la  gloire  de  sa  grace.  Il  monstre  ici  la  raison  finale  que  Dieu  a  eue  quand  il  nous  a  eleus,  c'est  a  scavoir  que  sa  grace  en  soit  louee,  ouy  non  point  d'une  facon  commune  et  vulgaire,  mais  avec  une  gloire:  comme  il  conioint  ces  deux,  que  nous  soyons  ravis,  voyant  que  Dieu  nous  a  retirez  du  profond  d'enfer  pour  nous  ouvrir  la  porte  de  son  royaume,  et  pour  nous  appeler  a  l'heritage  de  salut.  Ici  nous  voyons  encores  derechef  ce  que  nous  avons  traitte  ce  matin,  c'est  a.  scavoir  que  tous  ceux  qui  veulent  abolir  la  predestination  de  Dieu  ou  sont  faschez  quand  on  en  parle,  en  cela  se  monstrent  ennemis  mortels  de  la  louange  de  Dieu  :  il  leur  semble  que  cela  s'escoule  et  s'esvanouisse.  Voire,  mais  qui  en  est  Iuge  competent?  Pensent-ils  estre  plus  sages  que  Dieu,  qui  a  prononce  tout  le  contraire  de  ce  qu'ils  mettent  en  avant?  Ils  disent,  Ho,  cela  seroit  pour  ouvrir  la  bouche  a  beaucoup  de  gens  qui  blasphemeront  Dieu.  Or  il  est  certain  tiue  les  meschans  trouveront  tousiours  a  blasphemer,  et  ne  les  peut-on  empescher  de  cela.  Mais  cependant  Dieu  aura  assez  de  quoy  se  iustifier:  et  tous  ceux  qui  se  despitent  ainsi  contre  luy  et  sa  iustice  seront  confus.  Quoy  qu'il  en  soit,  ce  n'est  point  sans  cause  qu'il  est  ici  dit  que  Dieu  sera  deuement  glorifie,  que  sa  louange  aura  son  degre,  quand  nous  cognoistrons  qu'il  a  eleu  gratuitement  ceux  qu'il  a  voulu,  et