50:277  277  SUR  L'EPITRE  AUX  GALATES.  278  verite  il  faut  bien  que  Dieu  nous  gouverne.  Et  ce  n'est  point  sans  cause  aussi  qu'il  s'attribue  l'Esprit  de  prudence,  a  fin  que  nous  le  cerchions  en  luy.  Que  donc  nous  ayons  la  nostre  recours,  et  que  si  on  nous  veut  introduire  quelque  chose  qui  ne  semble  pas  de  grande  importance,  que  nous  pensions  quelle  queue  cela  tireroit.  Et  qu'ainsi  soit,  quand  nous  serons  destournez  de  la  simplicite  de  l'Evangile,  nous  serons  comme  des  paillards:  ainsi  qu'en  l'Epistre  prochaine  nous  avons  veu  que  S.  Paul  notamment  disoit  que  le  diable  use  comme  de  maquerelages  et  de  ruffiennages,  quand  il  nous  vient  seduire  pour  nous  destourner  de  la  doctrine  de  l'Evangile:  ii  aura  quelque  belle  preface.  Tout  ainsi  qu'un  ruffien  quand  il  voudra  seduire  quelque  ieune  femme,  ou  quelque  fille,  il  n'usera  point  de  meschans  termes  et  vileins,  car  il  scait  qu'elle  les  auroit  en  horreur:  mais  petit  a  petit  il  regardera  comme  il  la  pourra  abruver  de  sa  poison  mortelle.  Ainsi  donc  le  diable  en  fait-il.  Car  si  du  premier  coup  il  monstroit  les  cornes  (comme  on  dit)  et  qu'il  se  declarast  ennemi  de  Dieu,  chacun  le  fuiroit,  et  nous  seroit  detestable.  Mais  il  s'insinue  en  cachette,  et  trouvera  des  petites  crevaces,  tellement  que  nous  serons  esbahis  qu'il  nous  aura  gaignez  en  ceci  et  en  cela,  et  nous  semblera  encores  que  nous  ne  laisserons  pas  de  nous  tenir  a  Iesus  Christ  et  estre  son  Eglise.  Mais  tant  y  a  que  nous  en  serons  divertis,  et  a  la  fin  nous  aperceverons  que  nous  en  sommes  du  tout  retranchez.  Quand  donc  nous  lisons  cest  exemple,  que  le  diable  avoit  desbauche  et  corrompu  les  Eglises  dont  il  est  ici  fait  mention,  sous  ombre  des  ceremonies  de  la  Loy  de  Moyse,  pensons  tant  mieux  a  nous,  et  que  nous  persistions  sans  estre  divertis  en  facon  que  ce  soit  de  la  simplicite  de  l'Evangile.  Au  reste  quand  il  a  combatu  et  dispute  des  ceremonies  de  la  Loy,  que  nous  advisions  bien  de  faire  nostre  profit  de  tout  ce  qui  est  ici  contenu,  et  que  nous  soyons  tousiours  sur  nos  gardes  pour  cognoistre  les  finesses  et  astuces  de  Satan.  Et  quand  il  taschera  de  nous  miner  par  dessous  terre,  que  nous  regardions  bien  a  ce  que  nous  avons  a  faire,  et  que  nous  demeurions  tousiours  en  ce  que  nous  avons  apprins,  tellement  que  nous  soyons  asseurez  que  nous  ne  trouverons  rien  en  la  doctrine  de  l'Evangile  qui  ne  soit  la  pure  parole  de  Dieu.  Cac  il  faut  que  nostre  foy  (comme  i'ay  dit)  soit  la  fondee:  et  si  tost  qu'on  voudra  adiouster  tant  peu  que  ce  soit,  que  nous  ayons  cela  non  seulement  suspect,  mais  aussi  comme  detestable:  pour  ce  qu'il  n'y  peut  avoir  que  corruption  quand  on  fait  un  tel  meslinge  de  la  pure  verite  de  Dieu.  Venons  maintenant  a  l'ordre  que  tient  sainct  Paul  pour  traiter  la  doctrine  que  nous  verrons  de  point  en  poinct.  Or  pour  estre  mieux  ouy,  et  qu'il  soit