5:277  DE  FUGIENDIS  IMPIORUM  SACRIS.  eam  ducimus,  quae  talis  impietatis  mercede  constare  debeat:  mortemque  nimium  perhorrescimus,  si  gravius  in  ea  quiddam  esse  putamus,  quam  in  hominum  venia,  quae  nos  coram  Deo  faciat  sacrilegos,  apostatas,  perfidos,  proditores:  si  a  Christo  audire  malumus,  indignos  esse  nos  qui  eius  discipuli  censeamur,  quam  ab  hominibus,  nos  esse  dignos  qui  moriamur:  si  denique  eius  timore  spem  aeternae  vitae  resignamus.  O  inanes  gloriolae  nostrae  flatus,  sive  fidem  in  Christum  iactamus,  sive  quo  alio  titulo  nos  venditamus!  An  vero  poetam  illum,  qui  mortem  terribile  ducebat  esse  exitium,  in  aliena  quidem  persona,  sed  ex  sua  sententia  exclamare  patiamur:  Usque  adeone  mori  miserum  est?  Nos  autem  verbo  Dei  edocti,  nihil  aliud,  quam  per  momentaneum  doloris  sensum,  in  vitam  immortalem  ac  beatam  quietem  ingressum  ipsam  esse,  contra  reclamabimus,  miserum  esse  mori?  O  nos  septies  miseros,  quos  cunctis  mortalibus  calamitosiores,  testatur  Paulus  (1  Cor.  15,  19),  si  praesentis  duntaxat  vitae  fiducia  nitamur!  In  alto,  inquies,  pinguique  otio  viriles  istos  igniculos  iacere  facile  tibi  est:  non