47:277  277  CAPUT  XII.  278  et  Marco  colligere  licet.  Quo  die  factum  illi  fuerit  convivium^  in  quo  a  Maria  unctus  est,  Ioannes  non  exprimit:  sed  probabile  videtur,  non  multo  post  quam  appulerat  id  esse  factum.  Porro  quod  unctionem,  cuius  mentio  fit  apud  Marcum  et  Matthaeum,  nonnulli  ab  hac  diversam  esse  putant,  falluntur.  Movet  eos  temporis  ratio,  quia  priusquam  evangelistae  duo  Christum  fuisse  unctum  commemorent,  designant  tempus  bidui.  Verum  solutio  facilis  est  et  quidem  duplex.  Neque  enim  Ioannes  dicit  Christum  primo  die  adventus  sui  unctum  esse.  Ita  potuit  hoc  fieri  quum  iam  discessum  pararet.  Quanquam,  ut  iam  dixi,  altera  coniectura  probabilior  est,  quod  uno  saltem  vel  altero  die  ante  discessum  unctus  fuerit.  Certum  enim  est  Iudam,  antequam  duos  ex  discipulis  Christus  paschatis  gratia  misisset,  cum  sacerdotibus  pepigisse:  atqui  ad  minimum  diem  unum  intermedium  fuisse  oportet.  Addunt  evangelistae  captasse  commodum  tempus  tradendi  Christi,  ex  quo  pretium  acceperat.  Quod  ergo  facta  bidui  mentione  unctionis  historiam  subiiciunt,  quod  prius  acciderat,  posteriore  loco  narrant.  Ratio  autem  est,  quia  quum  retulissent  Christi  verba,  Scitis  quod  filius  hominis  post  biduum  tradetur,  quod  prius  omissum  fuerat  nunc  attexunt,  quomodo  et  qua  occasione  proditus  sit  a  discipulo.  Iam  sartis  convenit  Bethaniae  fuisse  unctum.  2.  Matthaeus  et  Marcus  dicunt  coenasse  tunc  apud  Simonem  leprosum:  domus  a  Ioanne  non  exprimitur,  verum  satis  indicat,  alibi  quam  apud  Lazarum  et  Martham  coenatum  esse,  dum  Lazarum  facit  unum  ex  discumbentibus:  nempe  qui  una  cum  Christo  invitatus  esset.  Nec  vero  quidquam  in  eo  dissidii  est,  quod  Matthaeus  et  Marcus  unctum  fuisse  caput  recitant,  hic  autem  noster  pedes.  Ordinaria  erat  capitis  unctio,  unde  et  Plinius  in  nimia  luxuria  deputat  quod  talos  quidam  ungerent.  Consentiunt  autem  tres  inter  se,  Christum  non  parce  a  Maria  fuisse  unctum,  sed  largam  unguenti  copiam  effusam.  Quod  ergo  Ioannes  de  pedibus  loquitur,  perinde  valet  ac  si  dixisset,  totum  Christi  corpus  usque  ad  pedes  fuisse  delibutum.  Est  enim  auxesis  in  voce  pedum  :  quod  melius  ex  sequentibus  patet  quum  subiicit,  Mariam  abstersisse  capillis  suis  pedes.  Domus  autem  impleta  est  odore.  Non  erat  simplex  liquor  ex  nardo  elicitus,  sed  varia  erat  confectio  ex  rebus  odoriferis.  Itaque  non  mirum  est,  odore  perfusam  fuisse  totam  domum.  4.  Dicit  ergo  unus  ex  discipulis.  Sequitur  Iudae  obmurmuratio,  quam  Matthaeus  promiscue  discipulis,  Marcus  quibusdam  eorum  tribuit.  Verum  scripturae  familiare  est  per  synecdochen  ad  plures  transferre  quod  unius  est  vel  paucorum.  Quanquam  mihi  verisimile  est,  murmur  a  solo  Iuda  ortum  esse:  reliquos  autem  fuisse  commotos  ut  ei  subscriberent,  ut  facile  est  susurris  quasi  flabellis  varios