29:277  277  IN  L  LIB.  SAMUEL.  CAP.  L  278  gitent,  ut  prolem  ipsis  quae  Deum  colat  ac  veneretur  benigne  donet:  ac  tandem,  natos  infantes  a  Deo  se  tanquam  donum  ac  thesaurum  suae  fidei  commissum  agnoscant  accepisse,  ut  tanto  maiore  cura  et  studio  in  Dei  timore  illos  educent  ac  erudiant,  rationem  olim  Deo  reddere  parati  nutricationis.  Nam  alioquin,  ut  dixi,  istiusmodi  nominum  temeraria  usurpatio,  mera  est  profanatio.  Deinceps  Elcana  in  domum  Dei  adscendisse  dicitur,  sacrificium  anniversarium  oblaturus,  et  votum  persoluturus:  Anna  vero  non  venisse:  tum  quod  filium  nondum  ablactasset,  tum  quod  absque  ipso,  quem  Deo  dederat  dicaratque,  venire  nollet.  Hic  nobis  in  memoriam  revocanda  quae  superius  attigimus,  Elcanam  nimirum  suae  pietatis,  ac  studii  sui  in  vero  et  sincero  cultu  Dei  retinendo  testimonium  dedisse,  quum  adeo  religiose  et  diligenter  sanctuarium  Dei  frequentaret.  Atque  hoc  quidem  Israelitae  habebant  in  mandatis,  sed  multi  varias  causas  praetexebant,  ut  non  excederent  suis  locis:  licet  tria  tantum  in  singulos  annos  istiusmodi  festa  instituta.  Sed  mirum  non  est  multos  tum  contemptores  divini  numinis  aegre  relictis  aedibus  in  hunc  locum  adoraturos  et  sacrificaturos  venisse.  Namque  erat  iter  difficile  :  deinde  in  sacrificia  erat  aliquid  insumendum.  Quare  quum  Elcana  solemniac  praestituto  die  festo  venisse  dicitur,  in  eo  satis  apparet  eum  non  reponendum  in  numero  Deum  perfunctorie  venerantium:  et  qui  se  ab  illo  quidquid  bonorum  habent  accepisse  quidem  profitentur,  suaque  omnia  illi  accepta  ferunt,  sed  tamen  verbi  ipsius  praedicationem  floccifaciunt,  suaeque  pietatis  veras  notas  edere  contemnunt.  Ac  nominatim  die  solemni  Elcanam  dici  venisse  ad  sacrificandum  observandum  est.  Quod  quidem  exemplum  nobis  non  in  eum  finem  proponitur  ut  eo  abutamur  ad  fingendos  varios  cultus,  modo  hunc  modo  illum  locum  religiose  frequentantes,  quales  sunt  papistarum  peregrinationes,  hoc  exemplum  ad  suam  idolomaniam  prave  detorquentium  Superius  enim  causas  attulimus,  cur  Deus  nullo  alio  loco  quam  Hierosolymis  adorari  sibique  sacrificia  offerri  vellet,  nempe,  ne  sibi  populus  varios  deos  pro  arbitrio  fingeret:  atque  ut  sacrificia  sic  a  sacerdotibus,  ut  praescriptum  illis  a  Domino  fuerat,  administrarentur.  Non  ergo  sibi  Elcana  Siluntem  veniens  ullum  meritum  apud  Deum  ex  peragratis  multis  regionibus  fingit:  sed  voluntati  Dei  probe  cognitae  obtemperat.  Itaque  institutam  profectionem  Elcanae,  obedientia  Dei  niti  conspicuum  est:  quin  et  aliquid  amplius  additur,  nempe  solemne  oblatum  sacrificium,  atque  praeter  solemne  sacrificium  anniversarium  etiam  votum.  Incerta  vero  sacrificii  huius  occasio,  an  ob  natum  praeter  spem  filium,  an  ob  aliam  quamlibet  causam,  quamquam  prior  illa  magis  veri  similis.  Caeterum,