15:277  277  1554  OCTOB.  278  elementa  atque  idem  loquuntur  et  suadent  sensibus,  quod  menti  sermo  et  spiritus  etc.  Rursus  ibidem:  Frustra  non  sunt  sacramenta.  Praedicant  enim  salutem  a  Deo  datam,  sensus  huc  convertunt,  et  subinde  fidem  exercent  quam  et  proximo  pollicentur,  atque  ad  fraternam  caritatem  trahunt.  Atque  haec  omnia  dum  fiunt,  unus  atque  idem  operatur  spiritus,  qui  inspirando  nunc  citra  instrumentum  trahit,  nunc  cum  instrumento,  quo,  quantum,  et  quem  vult  ete.  Idem  ad  Regem  christianum  (E.  facie  2,  fol.  36  et  37.)  Christum  credimus  vere  esse  in  coena,  imo  non  credimus  Domini  esse  coenam,  nisi  Christus  adsit.  Sed  quod  corpus  eius  ea  dimensione  edatur  qua  isti  dicunt,  id  vero  est  a  veritate  et  fidei  ingenio  alienissimum.  Adserimus  ergo  non  sic  carnaliter  et  crasse  manducari  corpus  Christi  ut  illi  perhibent:  sed  verum  Christi  corpus  credimus  in  coena  sacramentaliter  et  spiritualiter  edi  a  religiosa,  fideli  et  sancta  mente:  quemadmodum  et  D.  Chrysostomus  sentit  etc.  Idem  in  Annot  %n  Ieremiam  (cap.  27).  Constat  quod  quaecunque  symbolis  tribuuntur  fidei  sint  principaliter,  sed  iusta  et  aequa  ratione  signis  tribuantur,  quum  quod  pars  sacramenti  sunt  (quamvis  inferior  utpote  externa.  Constat  enim  ex  spirituali  et  corporali  sacramentum)  tum  quod  idem  significant  sensibus,  quod  spiritus  menti.  Unde  nemo  tam  rudis  est,  quem  huiusmodi  hyperochae  offendant,  Christi  verum  corpus  in  coena  vere  editur,  quum  panis  et  vinum  praebentur.  Verum  enim  corpus  non  falsum  assumpsit.  Vere  edit  mens  fidelis,  quum  non  simulate  recipit  Christum,  quum  vere  fidit  Christo,  sed  vide  an  non  haec  omnia  quum  symbolis  dicantur,  non  tamen  virtute  symbolorum,  sed  spiritus  ac  fidei  operatione  fiant,  ut  alioeoseos  virtute  symbolis  tribuatur  alteri  sacramenti  parti  quod  fidei  solius  (dummodo  rem  ad  vivum  resecare  volumus)  esse  cognoscitur.  Verum  ergo  corpus  quum  edi  dicitur,  illud  verum  corpus  quod  coelo  illatum  est  intelligimus,  sed  illud  ipsum  non  naturaliter,  hoc  est  quemadmodum  ipsum  naturale  est,  etiam  naturaliter  a  nobis  editur,  sed  spiritualiter  hic  edimus,  quod  istic  naturaliter  est  ete  D.  Ioannes  Oecolampadius  in  secunda  iusta  et  aequa  ad  D.  Lutheri  scripta  responsione,  germanice  data,  per  integrum  caput  18  aliud  nihil  agit  quam  ut  demonstret  se  et  Zwinglium  nunquam  docuisse  nudum  duntaxat  esse  in  coena  panem,  aut  nudum  in  sacramentis  signum.  In  Bernensi  disputatione  (fol.  120,  facie  2)  dicit  Oecolampadius:  Nullo  pacto  negamus  nos  edere  corpus  Christi  et  bibere  eius  sanguinem,  sed  edimus  et  bibimus  spiritualiter  per  fidem  et  eam  quidem  qua  credimus  nos  Deo  patri  per  mortem  Christi  reconciliatos  esse  :  non  per  illam  fidem  qua  creditur,