10.1:277  PRO  FALLBSIO.  [pag.  11]  exactae  meae  vitae  satis  perspectam  habent.  Illud  tamen  bpargitur,  quasi  tua  maiestas  idem  de  me  suspicaretur.  Suntque  ii  autores,  quorum  alioqui  dignitatem  haec  calumnia  minime  decet:  et  quos  cur  habeam  tam  adversarios  non  satis  intelligo.  Nisi  si  illud,  quod  scriptum  est,  implere  in  me  cupiant:  Odio  me  habuerunt  gratis.  Primum  crimen,  quo  me  onerant,  tam  futile  est  ac  frivolum,  ut  nisi  ista  autoritate  et  confidentia  ab  iis  diceretur,  ullam  eius  facere  mentionem  nollem.  Nunc  vero  si  tacuero,  eorum  oratio  non  nihili  esse  videbitur.  Iactant  dilapidasse  me  meas  facultates;  ut  quum  dignitatem  meam  amplius  tueri  non  possem,  necesse  mihi  fuerit  omnia  pro  derelicto  habere,  et  non  minus  bonis,  quam  patria  cedere:  ne  id  fecisse  videar  religionis  ergo.  Si  id  diceretur  in  re  praesenti:  nulla  mihi  opus  esset  confutatione,  ad  coarguendam  talem  impudentiam.  Sed  procul  facile  audent  mali  homines  haec  fingere,  quibus  infamem  me  reddant,  priusquam  quid  verum  sit  cognosci  queat.  Caeterum  gratias  ago  Domino  meo:  nec  esse  me  talem  helluonem,  vel  huius  generis  (ut  ita  dicam)  barathrum,  cui  satiando  tam  copiosi  proventus  non  sufficerent:  nec  unquam  fuisse  tam  profusae  [pag.  12]  ostentationis  quin  facile  sumptus  sustinucrim.  Quanquam  et  si  supra  vires  patrimonii  fuissem  sumptuosus:  quis  credat  maluisse  ultro  bonis  omnibus  cedere,  quam  sumptum  minuere?  atque  ut  me  aliqua  forte  desperatio  praecipitem  egisset,  saltem  quod  reliquum  erat,  ut  me  in  alia  regione  sustentarent,  vendidissem.  Nam  quae  tandem  illa  astutia  fuerit,  ita  patria  cedere  quod  sumptus  nonnihil  contrahere  puderet:  interim  vero  plurima,  quibus  alibi  sit  opus,  bona  derelinquere?  Atque  adeo  quos  reliqui  annuos  proventus,  alendae  honeste  familiae  fuisse  pares  testimonio  est  sollicita  eorum  cupiditas,  qui  illis  ad  se  trahendis  inhiarunt.  Si  quibus  hypothecis  nonnullae  ex  possessionibus  implicitae  erant:  nisi  obstitisset  mea  absentia:  facilis  erat  explicandi  ratio.  Sed  gratias  ago  Deo  meo,  Caesar,  te  ipsum  testem  mihi  locupletem  esse,  quam  vana  sit  haec,  qua  me  adversarii  infamant,  calumnia.  Certe  si  de  sumptibus  tantum  ageretur,  nil  mihi  facilius  erat  quam  sumptuose  vel  in  aula  tua  vivere,  et  multo  quidem  magis  quam  natura  mea  ferat.  Neque  enim,  vel  tenues,  vel  accisae  opes  fuerunt  eius  familiae,  in  qua  natus  sum  nec  ego  tam  male  tuitus  sum  patrimonium  a  progenitoribus  relictum,  ut  infami  cessione,  vel  ignominiosa  [pag.  13]  fuga  inopiae  pudorem  discutere  necesse  habuerim.  Imo  vero  non  ignoras,  Caesar,  ultro  me  ab  eo  munere  quod  detuleras  praeclarum,  excusari  voluisse.  Nulla  quidem  tuae  maiestati  obsequendi  recusatione,  sed  ingenua  simplicitate,  quod  eo  defungi,  sicut  optassem,  minime  poteram.  An  id  est  hominis,  cui  desit  quo  se  alat?  Sed  ineptus  fuerim,