1:277  PRAEFATIO  AD  REGEM  GALLIAE.  quarum  ne  minimam  quidem  suspicionem  unquam  dedimus.  Scilicet  nos  regnorum  inversionem  meditamur,  quorum  nulla  unquam  factiosa  vox  audita  est,  et  vita  semper  quieta  simplexque  cognita  fuit,  quum  sub  te  viveremus:  et  qui  nunc  etiam  domo  profugi,  tibi  tamen  regnoque  tuo  fausta  omnia  precari  non  desinimus.  Scilicet  nos  impunitam  vitiorum  petulantiam  aucupamur:  quorum  in  moribus  etsi  multa  reprehendi  possunt,  nihil  tamen  tanta  insultatione  dignum.  Nec  tam  infeliciter  (gratia  Dei)  in  evangelio  profecimus,  quin  istis  obtrectatoribus  vita  nostra,  castitatis,  benignitatis,  misericordiae,  continentiae,  patientiae,  modestiae  et  virtutis  cuiusvis  exemplum  esse  possit.  Nos  sane  Deum  sincere  timere  et  colere  re  ipsa  palam  est,  1)  quando  tum  vita,  tum  morte  nostra  nomen  eius  sanctificari  petimus.  Et  ipsa  invidia  coacta  est  quibusdam  nostrum  innocentiae  et  civilis  integritatis  testimonium  dare;  in  quibus  id  unum  morte  plectebatur,  quod  singulari  in  laude  ponendum  erat.  Quod  si  qui  sub  praetextu  evangelii  tumultuantur  (quales  hactenus  aliquos  in  regno  tuo  fuisse  non  compertum  est),  si  qui  vitiorum  suorum  licentiae  libertatem  gratiae  Dei  praetexunt  (quales  permultos  novi),  sunt  leges  et  legum  poenae,  quibus  pro  meritis  graviter  coerceantur;  modo  ne  interim  evangelium  Dei  ob  scelestorum  hominum  nequitiam  male  audiat.  1)  testatur  1539.  1543.  ubi  legendum:  res  ipsa.