8:276  perit,  quia  nulla  re  vincitur  Deus.  Electi  enim  .sunt,  ut  perpetuo  regnent  cum  Christo:  non  sicut  Iudas  ad  munus  temporale  cui  congruebat.  Item:  1)  Ex  istis  nemo  perit,  quia  omnes  electi,  et  secundum  propositum,  non  suum,  sed  Dei.  Si  quidem  non  tale  modo  illis  perseverantiae  donum  confertur,  ut  postea  declarat,  quo  possint  si  velint:  sed  quo  non  nisi  perseverantes  sint.  Quod  optima  ratione  confirmat.  Nam  si  in  tanta  infirmitate  vitae  huius  (in  qua  tamen  infirmitate  propter  elationem  reprimendam  perfici  virtutem  oportebat)  ipsis  relinqueretur  voluntas  sua,  ut  in  adiutorio  Dei  [pag.  45],  sine  quo  perseverare  non  possent,  manerent  si  vellent,  nec  Deus  operaretur  ut  vellent:  inter  tot  et  tantas  tentationes  voluntas  ipsa  infirmitate  sua  succumberet,  et  ideo  perseverare  non  possent:  quia  deficientes  infirmitate,  nec  vellent,  aut  non  ita  vellent  ut  possent.  Subventum  ergo  est  infirmitati  voluntatis  humanae,  ut  divina  gratia  indeclinabiliter  et  inseparabiliter  ageretur,  et  ideo  quamvis  infirma  non  deficeret,  nec  infirmitate  aliqua  vinceretur.  Prodeat  nunc  in  medium  memorabilis  ille  Pauli  locus,  et  qui  unus  ad  dirimendam  controversiam  apud  sobrios  et  morigeros  Dei  filios  abunde  valere  debebat.  Etsi  autem  Cyclopem  Pighium  contemptim  Pauli  verba  illudere  mirum  non  est:2)  facturum  tamen  me  spero,  ut  sani  omnes  tam  barbaram  profanandae  scripturae  audaciam  detestentur.  Quia  Iudaei  ecclesiae  titulo  superbientes,  hoc  ipso  praetextu  evangelium  respuebant,  quod  fictitiae  ecclesiae  consensu  damnatum  foret:  ne  tam  indigno  fastu  obruatur  evangelii  maiestas,  larvam,  qua  se  venditabant,  Paulus  illis  detrahit.3)  Erat  sane  arduum  infirmis  obstaculum,  quum  doctrinam  Christi  ab  iis  fere  omnibus  reiici  viderent,  quos  Deus  aeterni  sui  foederis  haeredes  constituerat.  Iesum  esse  Dei  Messiam  apostoli  praedicabant.  Reclamabat  tota  natio,  cui  promissus  fuerat  Messias.  Et  [pag.  46]  quid  mirum?  quandoquidem  hodie  quamplurimos  videmus  obiecto  hoc  evanido  fuco  labascere,  dum  se  papistae  ecclesiam  esse  iactant.4)  Hoc  itaque  modo  cum  Iudaeis  congreditur  Paulus,  quod  legitimos  Abrahae  filios  nequaquam  faciat  carnale  genus:  sed  soli  filii  promissionis  in  semine  censeantur.  (Rom.  9,  8.)  Poterat  autem  ex  fide  aestimare:  idque  consentaneum  erat,  quum  in  promissione  discrimen  inter  genuinos  et  spurios  statueret.  Idque  prius  fecerat  (Cap.  2  et  4)  :  sed  nunc  altius  conscendit  :  "  esse  filios  promissionis,  quos  Deus,  antequam  nascerentur,  elegit.  1)  Ibid.  cap.  12.  2)  Or  combien  que  les  contempteurs  de  Dieu  trouvent  des  cavillations  pour  obscurcir  et  brouiller  tout:  i'espere  etc.  3)  Add.  monstrant  que  c'est  une  arrogance  frivole  a  eux  d'usurper  le  nom  de  l'Eglise  de  leur  coste.  4)  Erat  sane  iactant.  Totum  hoc  comma  abest  a  gallico.