52:276  enim  creatus  fuit  prior,  deinde  Eva.  14.  Et  Adam  non  fuit  deceptus:  sed  mulier  decepta  transgressionis  rea  fuit.  15.  Servabitur  autem  per  generationem,  si  manserint  in  fide,  et  caritate,  et  sanctificatione,  cum  temperantia.  l  l  .  Mulier  in  quiete.  Postquam  de  vestitu  loquutus  est,  nunc  addit  qua  se  modestia  gerere  in  sacro  coetu  debeant  mulieres.  Ac  primum  iubet  eas  placide  discere  :  nam  quies  silentium  significat,  ne  loquendi  vices  sibi  usurpent  in  publico.  Quod  statim  clarius  exponit,  dum  eas  vetat  docere.  Non  ut  illis  auferat  munus  instituendae  familiae,  sed  tantum  ut  a  munere  docendi  arceat,  quod  solis  viris  Deus  mandavit.  Qua  de  re  tractavimus  ia  epistola  ad  Corinthios  priore.  Si  quis  Deboram  et  similes  obiiciat,  quas  aliquando  gubernando  populo  Dei  mandato  praefectas  legimus:  responsio  est  facilis,  extraordinariis  Dei  factis  non  everti  communem  politiam  cui  nos  voluit  alligatos.  Ergo  si  aliquando  prophetandi  et  docendi  locum  tenuerunt  mulieres*  idque  Dei  spiritu  excitatae:  potuit  hoc  qui  ab  omni  lege  immunis  est.  Sed  quia  hoc  singulare  est,  non  pugnat  cum  perpetua  et  usitata  politia.  Addit  quod  proximum  est  officio  docendi:  ne  sibi  autoritatem  sumant  in  viros.  Nam  ista  est  ratio,  cur  docere  prohibeantur:  quia  hoc  non  patitur  earum  conditio.  Subiectae  enim  sunt:  docere  autem  est  potestatis,  vel  superioris  gradus.  Quamquam  videtur  ratio  non  satis  firma:  quum  prophetae  quoque  et  doctores  regibus  sint  subiecti,  aliisque  magistratibus.  Respondeo,  nihil  esse  absurdi  quin  praesit  aliquis,  et  simul  pareat,  secundum  diversos  respectus:  sed  in  muliere  id  non  valet,  quae  natura  (hoc  est,  ordinaria  Dei  lege)  ad  parendum  nata  est.  Nam  yovatxoxpaxiav  omnes  prudentes  semper  instar  portenti  repudiarunt.  Quare  coelum  quodammodo  terrae  miscebitur,  si  docendi  ius  arripiant  mulieres.  Iubet  ergo  eas  quiescere:  hoc  est  se  continere  intra  suum  ordinem.  13.  Adam  enim  creatus.  Duas  rationes  adducit  cur  viris  mulieres  subesse  oporteat  :  quia  et  hanc  legem  Deus  imposuit  ab  initio:  et  poenam  quoque  mulieri  inflixit  Docet  igitur,  etiamsi  in  prima  et  originali  integritate  stetisset  humanum  genus,  ita  ferre  genuinum  naturae  ordinem,  qui  a  Dei  praescripto  fluxit,  ut  mulieres  subiectae  sint.  Neque  obstat  quod  Adam,  a  prima  dignitate  excidens,  imperio  se  ipse  privavit  Nam  in  ruinis,  quae  peccatum  sequutae  sunt,  manent  adhuc  quaedam  divinae  benedictionis  reliquiae:  et  mulieri  sua  culpa  prodesse  non  debuit  Quod  tamen  adducit  Paulus,  mulierem  secundo  loco  creatam  esse:  videtur  haec  parum  valida  esse  subiectionis  ratio:  nam  et  Iohannes  Baptista  tempore  Christum  praecessit,  dignitate  tamen  longe  inferior.  Sed  Paulus  circumstantias  omnes,  quae  a  Mose  referuntur,  tam-