51:276  en  un  miroir  qui  luy  est  agreable.  Voila  donc  dont  procede  la  difference.  Mais  encores,  pour  mieux  exprimer  cela,  il  dit  que  c'a  este  en  soy-mesme.  Il  est  vray  que  Dieu  fait  bien  tout  en  soy.  Mais  ici  sainct  Paul  a  voulu  specifier  ce  qu'on  ne  voit  pas  en  toutes  les  oeuvres  communes  de  Dieu,  c'est  a  scavoir,  qu'il  n'est  esmeu  d'aucune  cause  quand  il  nous  elit,  sinon  d'autant  qu'il  le  veut  ainsi.  S.  Paul  donc  oste  ici  tous  regars,  quand  il  dit  que  Dieu  nous  a  eleus  en  soy.  S'il  trouvoit  quelque  merite  ou  dignite,  s'il  trouvoit  quelque  disposition  ou  bien  quelque  vertu:  bref,  une  seule  goute  de  ce  qui  luy  peut  plaire  et  estre  approuve  de  luy,  il  ne  nous  auroit  point  eleus  en  soy:  mais  il  y  en  auroit  quelque  partie  en  nous.  Quand  donc  sainct  Paul  enferme  au  conseil  de  Dieu  tout  ce  qui  appartient  a  nostre  salut,  et  qu'il  dit  que  nostre  election  est  aussi  la  enclose,  c'est  autant  comme  s'il  disoit  que  les  hommes  s'abusent  trop  lourdement  quand  ils  presument  rien  valoir,  ou  s'estre  avancez  et  s'estre  disposez  a  recevoir  une  telle  grace.  Il  faut  donc  que  nous  soyons  ravis  en  haut  pour  cognoistre  ou  est  fonde  nostre  salut,  et  quelle  en  est  la  vraye  origine  et  le  commencement,  et  la  cause  souveraine  et  unique.  Voila  donc  qu'emporte  ce  mot,  quand  il  est  dit  que  Dieu  l'a  fait  en  soy-mesme.  Mais  S.  Paul  encores  adiouste,  Selon  le  bon  plaisir  de  sa  volonte.  S'il  n'eust  dit  que  volonte  simplement,  il  suffisoit  :  comme  nous  avons  veu  ci  devant,  et  qu'il  fut  traite  dimanche  passe,  que  S.  Paul  avoit  este  eleu  selon  la  volonte  de  Dieu.  Et  comment?  Pource  qu'il  n'estoit  point  capable  ni  digne  d'une  telle  dignite,  sinon  que  Dieu  l'avoit  voulu  choisir.  S.  Paul  donc  avec  toute  modestie  ne  pretend  point  d'avoir  acquis  l'apostolat:  mais  il  cognoist  que  c'est  un  don  gratuit  de  Dieu.  Voila  qu'emporte  ce  mot  de  volonte  :  et  ce  n'est  pas  en  un  seul  passage,  mais  en  toute  l'Escriture  saincte.  Quand  donc  la  volonte  de  Dieu  est  mise  en  avant,  c'est  pour  monstrer  que  les  hommes  ne  peuvent  rien  apporter  de  leur  propre.  Tant  y  a  que  sainct  Paul  met  encores  ici  un  mot  de  superabondant.  Il  dit,  le  ion  plaisir.  Comme  s'il  disoit,  II  est  vray  que  la  volonte  de  Dieu  estant  cause  de  nostre  salut,  il  ne  faut  pas  que  nous  voltigions  ca  et  la,  et  que  nous  cerchions  d'ailleurs  raisons  ou  moyens:  mais  pource  que  les  hommes  sont  si  ingrats  et  malins,  que  tousiours  ils  veulent  obscurcir  la  bonte  de  Dieu,  et  qu'ils  sont  enflez  d'une  folle  outrecuidance,  qu'ils  attirent  tousiours  a  eux  plus  qu'il  ne  leur  appartient  :  que  s'ils  ne  sont  assez  convaincus  de  la  volonte  de  Dieu,  qu'ils  entendent  que  c'est  par  le  bon  plaisir  de  sa  volonte,  c'est  a  dire  par  une  volonte  gratuite:  qui  ne  depend  point  d'ailleurs:  et  qu'il  n'a  point  des  regards  ni  de  coste  ni  d'autre:  mais  qu'il  se