5:276  in  quo  hiscere  audeas,  nisi  bis  ante  circumspectes,  an  te  observent:  quam  semel  eorum  fidem  vel  periculose  tentare.  Sic  verbi  sui  contemptum  saepe  ulciscitur  Dominus.  In  connubio  contrahendo  (quando  eam  tibi  libertatem  integram  hactenus  esse  Dominus  voluit)  vide  quos  tibi  laqueos  induas,  si  uxorem  accipis  religione  tecum  dissidentem.  Quanquam  quid  te  considerare  iubeo  labyrinthos  illos,  quos  animo  complecti  nemo  queat,  nisi  qui  iam  malo  suo  expertus  fuerit?  Utinam  timeas  potius  et  caveas,  quam  aliquando  velis  experiri.  Vestras  illas  tricas  novi:  Ita  nunc  adversatur,  ut  paulatim  manum  daturam  confidam.  J)  Noli  hoc  de  te  frustra  polliceri,  sed  de  Domino:  cuius  donum  est  singulare,  uxor  bona  (Prov.  19,  14).  Bonam  autem  ab  eo  exspectare  qui  ausis,  quem  non  audis  severe  interdicentem,  ne  iugum  ducas  cum  infidelibus  (2  Cor.  6,  14)?  Habes  a  me  quod  postulabas,  vel  potius  per  manum  meam  a  Domino,  consilium  :  periculosum  quidem  illud  carni  tuae,  et  parum  blandum,  sed  animae  tuae  fidele  et  salubre,  addo  et  tibi  prorsus  necessarium,  nisi  Domini  iugum  a  cervicibus  tuis  excutere,  eiusque  religionem  abiurare  voles.  Tuum  nunc  est,  ad  reddendam  Domino,  quam  abs  te  poscit,  laudis  confessionem,  temet  exhortari,  tibi  instare,  te  urgere  et  excitare,  animumque  colligere:  quo  labascere  servum  Dei,  in  tanto  praesertim  religionis  cardine,  perquam  absurdum  indignumque  est.  Nam  quod  tibi  supra  confirmavi,  id  ut  subinde  memoria  repetas,  tibique  assidue  subiicias,  nunc  etiam  te  coram  Deo  et  sanctis  ipsius  angelis  obtesfcar:  non  hic  leviore  de  causa  controversiam  agitari,  quam  quomodo  Christum  in  hominum  conspectu  non  abnegemus:  ne  ab  ipso  nos  rursum  (quod  per  apostolum  suum  minatur)  quum  summum  illud  tribunal  ad  iudicandum  conscenderit,  abnegemur  (2  Tim.  2,  12).  [pag-  43]  Ac  ne  singulare  nescio  quid  tibi  imperari  credas,  quod  praestare  non  sit  cuiuslibet,  in  promptu  est,  quo  eiusmodi  errori  occurram.  Siquidem  pietatem  tuam  non  peto  ut  propalam  profitearis:  solum  ne  impietatis  professione  ipsam  abneges,  abs  te  contendo.  Quid  enim  aliud,  vel  tota  disputatione  spectavi,  vel  nunc  obtinere  volo,  quam  ne  horrendis  sacrilegiis  sanctam  Dei  religionem  contamines?  ne  corpus  tuum,  quod  sibi  in  templum  dedicavit,  foedis  abominationibus  profanes?  ne  in  exsecrabiles  blasphemias  tuum  nomen  inscribas?  Et  istaec  scilicet  omnia  tanti  esse  aegre  persuademur,  quae  cum  aliquo  vitae  pericuJo,  aut  etiam,  si  opus  sit,  fuso  sanguine  fugiamus?  Imo  Arero  brevem  miserae  huius  vitae  usuram  nimio  aestimamus,  si  tanti  1)  l'entens  bien  ce  qu'on  a  accoustume  de  diie  des  femmes  rebelles:  Elle  n'est  tellement  contraire,  que  i'espere  que  ie  J'auray  tantost  gaigne.  Sic  optime  interpretatur  Gallus.