49:276  diriget  sermonem.  Nihil  enim  magis  contrarium  fraternis  monitionibus  quam  malignitas  et  arrogantia,  quae  facit  ut  errantes  fastuose  contemnamus  et  ludibrio  habere  malimus  quam  corrigere.  Asperitas  quoque  si  aut  in  verbis  aufc  in  vultu  appareat,  fructum  adimet  monitionibus.  Porro  ut  tam  humanitatis  affectu  quam  comitate  praestes,  non  eris  tamen  ad  monendum  idoneus,  nisi  prudentia  rerumque  usu  polleas.  Utramque  ergo  facultatem  tribuit  Romanis,  illis  reddens  testimonium  quod  ipsi  sibi  ad  mutuas  cohortationes  sine  alterius  auxilio  sufficiant.  Fatetur  enim  abundare  et  benignitate  et  peritia:  unde  sequitur,  illos  valere  ad  exhortationem.  15.  Audacius  autem  scripsi  vobis.  Sequitur  excusatio,  in  qua  afferenda  ut  modestior  sit,  per  modum  concessionis,  confidenter  se  fecisse  dicit,  quod  interposuerit  se  in  ea  re  quam  ipsi  per  se  exsequi  poterant:  sed  audaciam  hanc  se  sumpsisse  addit  pro  muneris  sui  necessitate,  quia  sit  evangelii  minister  in  gentes:  ideoque  illos  praeterire  non  potuerit,  qui  in  gentium  numero  erant.  Sic  tamen  se  demittit,  ut  muneris  sui  praestantiam  efferat.  Gratiam  enim  Dei  obiiciens,  qua  in  gradum  honoHs  evectus  fuerat,  quod  pro  munere  apostolico  gerit  contemni  non  patitur.  Praeterea  se  doctoris  partes  usurpasse  negat,  sed  monitoris  :  cuius  officium  est  revocare  in  memoriam��  quae  alioqui  non  sunt  incognita.  16.  Consecrans  evangelium.  Sic  malo  quam  quod  Erasmus  initio  reddiderat  administrans.  Nihil  enim  certius  est  quam  Paulum  hic  ad  sacra  mysteria  alludere,  quae  a  sacerdote  peraguntur.  Facit  ergo  se  antistitem  vel  sacerdotem  in  evangelii  ministerio,  qui  populum,  quem  Deo  acquirit,  in  sacrificium  offerat:  atque  hoc  modo  sacris  evangelii  mysteriis  operetur.  Et  sane  hoc  est  christiani  pastoris  sacerdotium,  homines  in  evangelii  obedientiam  subigendo  veluti  Deo  immolare:  non  autem,  quod  superciliose  hactenus  papistae  iactarunt,  oblatione  Christi  homines  reconciliare  Deo.  Neque  tamen  ecclesiasticos  pastores  simpliciter  hic  vocat  sacerdotes,  tanquam  perpetuo  titulo:  sed  quum  dignitatem  efficaciamque  ministerii  vellet  commendare  Paulus,  hac  metaphora  per  occasionem  est  usus.  Hic  ergo  finis  sit  evangelii  praeconibus  in  suo  munere,  animas  fide  purificatas  Deo  offerre.  Quod  postea  correxit  Erasmus,  sacrificans  evangelium,  non  modo  improprium  est,  sed  sensum  quoque  obscurat.  Est  enim  evangelium  potius  instar  gladii,  quo  homines  Deo  in  victimas  sacrificat  minister.  Subiungit,  tales  hostias  Deo  acceptabiles  esse:  quod  non  tantum  ad  ministerii  commendationem  facit,  sed  etiam  ad  eximiam  eorum  consolationem,  qui  se  consecrandus  tradunt.  Iam  quemadmodum  veteres  hostiae  externis  sanctificationibus  et  lavacris  Deo  dicabantur:  ita  et  istae  hostiae  consecrantur  Domino  per  spiritum  sanctitatis,  cuius  virtute  intus  operante  segregantur  ab