47:276  ut  non  mirum  sit  recenseri  quaedam  loca,  quorum  nulla  antiquitus  notitia  fuerat.  Discipulos  Christi  nominat,  non  quicunque  receperant  eius  doctrinam,  sed  qui  assidui  erant  eius  comites,  et  vivere  solebant  in  eodem  contubernio.  55.  Adscenderunt  multi,  ete.  Non  erat  hoc  praecise  mandatum  ut  se  purificarent  ante  immolationem  paschatis.  Ideo  non  dicit  evangelista  venisse  omnes,  sed  multos.  Nemini  quidem  immundo  licebat  vesci,  sed  istam  sanctificationem  sponte  et  privato  affecta  susceptam  fuisse  dico,  ut  alii  minime  vesci  prohiberentur,  quamvis  ante  diem  festum  tali  ritu  praeparati  non  essent.  Caeterum  evangelistae  consilium  est,  ostendere  quam  celebris  fuerit  per  totam  Iudaeam  de  Christo  fama.  Nam  qui  undecunque  in  templum  conveniunt,  pracipue  intenti  sunt  ad  quaerendum  Christum,  et  sermones  inter  se  de  eo  agitant.  Quaerunt  quidem  ipsum  humano  more,  sed  tamen  quaerendo  detegunt  obstare  sacerdotum  tyrannidem,  quo  minus  palam  appareat.  CAPUT  XII.  1.  Iesus  ergo  ante  sex  dies  paschae  venit  Bethaniam,  ubi  erat  Lazarus,  qui  mortuus  fuerat,  quem  suscitaverat  ex  mortuis.  2.  Fecerunt  ergo  ei  illic  convivium,  et  Martha  ministrabat:  Lazarus  autem  unus  erat  ex  discumbentibus  cum  eo.  3.  Maria  itaque,  accepta  libra  unguenti  nardi  pisticae  pretiosae,  unxit  pedes  Iesu,  et  extersit  capillis  suis  eius  pedes:  domus  autem  impleta  est  odore  unguenti.  4.  Dicit  ergo  unus  ex  discipulis  eius,  Iudas  Simonis  Iscariotes,  qui  traditurus  erat  eum:  5.  Quare  unguentum  hoc  non  veniit  trecentis  denariis,  et  datum  est  pauperibus?  6.  Dicebat  autem  hoc,  non  quod  pauperes  illi  curae  essent,  sed  quia  fur  erat,  et  marsupium  habebat,  et  portabat  ea,  quae  immittebantur  (vel:  inserebantur).  7.  Dixit  ergo  Iesus:  Sine  eam:  in  diem  sepulturae  meae  servavit  istud.  8.  Pauperes  enim  semper  habetis  vobiscum,  me  autem  non  semper  habetis.  1.  Iesus  venit  Bethaniam.  Videmus  nimis  praeceps  fuisse  eorum  iudicium,  qui  Christum  venturum  non  putabant:  quo  monemur  non  ita  properandum  esse,  quin  patienter  et  quietis  animis  exspectemus,  dum  opportunitas  adveniat  nobis  incognita.  Venit  autem  Christus  primo  Bethaniam,  ut  inde  Hierosolymam  triduo  post  se  conferat.  Interea  opportunum  tempus  et  locum  ad  se  prodendum  dare  Iudae  voluit,  ut  *pse  ad  statam  horam  adesset  parata  victima.  Neque  enim  quid  futurum  sit  ignorat,  sed  voluntarius  ad  immolationem  occurrit.  Quum  autem  sex  diebus  ante  pascha  venisset  Bethaniam,  illic  quatriduo  substitisse  ex  Matthaeo