29:276  tere,  et  ab  ipso  quodcunque  necessarium  erit  exspectare.  Multum  quidem  est  scire  ac  profiteri  Dei  oculos  ferri  in  eos  omnes  qui  ipsum  in  veritate  invocant,  verum  ut  singuli  fideles  sese  discant  coram  ipso  abiicere,  et  hoc  sacrificium  sciant  ipsi  uni  Deo  deberi,  hoc  nominatim  ab  ipsis  requiritur,  ut  si  Deum  proximum  ad  suos  in  rebus  incertis  invandos  experiri  volunt,  precibus  illum  interpellent,  et  velut  oculis  suam  egestatem  et  inopiam  subiiciant.  Minime  quidem  quasi  rerum  nostrarum  ignaro  et  nescio,  sed  ut  aperte  profiteamur  nos  ab  eius  unius  bonitate  pendere,  sine  qua  futurum  est  ut  omnium  egeni  iaceamus:  atque  etiam  ne  ut  solent  profani  homines,  eum  invocemus.  Itaque  Annam  simul  illa  duo  coniungere  preces  et  exauditionem  videmus,  quum  ait,  Deus  exaudivit  me,  nam  ego  illum  invocavi.  Potuisset  sane  Deus  etiam  illi  non  petenti  largiri  quae  eius  precibus  dedit:  sic  enim  plerumque  solet  suam  erga  nos  munificentiam  atque  bonitatem  patefacere,  ut  nobis  etiam  quid  utile  sit  ac  necessarium  ignorantibus,  tamen  sponte  et  liberaliter  donet,  atque  abunde  subministret.  Verum  in  hac  re  nostrum  omne  studium  est  collocandum,  ut  Deum  sedulo  in  qualibet  inopia  constituti  precemur,  quo  non  irritas  fuisse  nostras  preces  deinceps  experiamur.  Digna  sane  observatione  doctrina,  qua  nimirum  non  modo  nos  ad  Deo  gratias  pro  acceptis  ab  ipso  beneficiis  agendas,  sed  etiam  ad  precum  assiduitatem  incitari  par  est.  Porro  quum  a  Deo  nos  exauditos  scimus,  quantae  ingratitudinis  rei  futuri  sumus,  nisi  gratias  illi  studiose  agamus?  Adde,  nobis  etiam  id  esse  in  posterum  certissimum  testimonium,  quum  non  frustra  fuisse  Deum  a  nobis  invocatum  re  ipsa  experti  sumus,  ut  sine  metu  freti  eius  bonitate  ad  illum  veniamus,  et  quotiescunque  necessitas  postularit  confugiamus.  Davidis  satis  notae  preces,  et  fides  qua  se  in  Dei  conspectum  venturum,  bonitate  ipsius  fretum,  gloriatur.  Et  sane  non  nisi  gratiam  divinam  expertis  patet  ad  Deum  aditus,  cuius  alioquin  conspectus  terrori  potius  quam  solatio  sit  futurus.  Quum  vero  Deus  experientia  fecit  nobis  testatum  preces  nostras  esse  fidei  fructus,  tunc  maximum  in  omnem  vitam  illum  invocandi,  ac  precibus  nostris  sollicitandi  cum  spe  exauditionis  argumentum  habemus.  Et  hactenus  quidem  de  hac  nominis  impositione  ab  Anna  facta,  et  causa  illius  dictum  esto.  Multos  vero  videas  istiusmodi  nomina  filiis  imponere,  sed  incogitantes,  et,  ut  quod  res  est  dicam,  illa  potius  profanantes.  Quare  danda  nobis  opera,  ut  si  qui  natis  sibi  liberis  istiusmodi  nomina  velint  imponere,  Deum  precentur,  ut  liberi  olim  eos  imitentur  quorum  nomine  insigniuntur,  quo  sese  totos  Dei  cultui  toto  vitae  curriculo  dedicent.  Praeterera  supplices  a  Deo  hanc  gratiam  effla-