25:276  regis  precibus:  in  ipso  autem  prophetico  munere  non  idem  sibi  fore  liberum:  quia  omnium  mortalium  gratiam  despiciet,  ut  pareat  unius  Dei  imperio.  39.  Perrexit  Balaam.  Prosequitur  narrare  Moses  quomodo  et  quam  honorifice  et  laute  exceptus  fuerit  Balaam.  Ac  primo  deductum  esse  tradit  in  urbem  Husoth  :  quod  alii  proprium  nomen  esse  volunt,  alii  vero  appellativum.  Utrovis  modo  accipias,  notatur  urbis  amplitudo,  quae  in  plurimos  vicos  distincta  fuit.  Secundo  dicit  Moses  caesam  fuisse  animalium  copiam  epulo  parando,  et  ipsi  Balaam  datos  fuisse  convivas.  Huc  tendunt  omnia,  blanditiis  illectum  fuisse  Balaam,  ut  eum  puderet  regi  tam  munifico  *),  et  a  quo  non  modo  amice,  sed  liberaliter  tractatus  erat,  quidquam  negare.  Perinde  ac  si  loco  Dei  esset  Balaam,  vel  promercalis  esset  ipsius  Dei  gratia.  Tandem  subiicit  Moses  Balaam  deductum  fuisse  in  excelsa  Baal,  ut  commodius  ex  loco  sublimi  castra  populi  conspiceret.  Quanquam  dixit  Moses  tantum  extremam  partem  castrorum  vidisse:  quia  scilicet  montana  erat  tota  regio  :  et  ob  locorum  distantiam  impediebatur  aspectus  :  religio  tamen  loci  (meo  iudicio)  quaesita  fuit  a  Balac.  Deduxit  ergo  Balaam  in  templum,  quo  sibi  melius  conciliaret  Dei  favorem.  Unde  etiam  apparet  hunc  impostorem  nihil  de  cultu  Dei  habuisse  firmum  vel  solidum,  sed  promiscue  cum  profanis  gentibus  idola  coluisse:  sive  quod  iisdem  superstitionibus  esset  implicitus,  sive  quod  pro  nihilo  duceret  se  ad  captandam  gratiam  inflectere  ad  quoslibet  omnium  2)  mores  et  ritus.  Semper  enim  fuerunt  medii  homines,  qui  adulandi  causa  pietatem  corrumperent  variis  figmentis,  coetumque  terrae  miscerent.  NUMER.  CAPUT  XXIII.  1.  Et  dixit  Balaam  ad  Balac:  Aedifica  mihi  hic  septem  altaria,  appara  quoque  mihi  hic  septem  iuvencos,  et  septem  arietes.  2.  Fecitque  Balac  quemadmodum  dixerat  Balaam,  et  obtulit  Balac  et  Balaam  iuvencum  et  arietem  in  altari.  3.  Tunc  dixit  Balaam  ipsi  Balac:  Consiste  iuxta  holocaustum  tuum,  et  ibo  si  forte  occurrat  Iehova  obviam  mihi,  et  quidquid  ostenderit  mihi  narrabo  tibi.  Abiit  itaque  in  excelsum.  4.  Et  occurrit  Deus  ipsi  Balaam^  dixitque  illi:  Septem  altaria  disposui,  et  obtuli  iuvencum  in  quolibet  altari.  5.  Posuit  autem  Iehova  verbum  in  ore  Balaam,  dixitque  illi:  Bevertere  ad  Balac,  et  sic  loqueris.  6.  Et  reversus  est  ad  eum,  et  ecce,  stabat  iuxta  holocaustum  suum,  ipse  et  omnes  principes  1)  Princeps:  magnifico.  2)  Eadem:  hominum.