10.1:276  possent.  Cuius  generis  scandala  vult  imprimis  Dominus  nos  amoliri.  Itaque  coram  eo  crudelis  iudicari  possim,  si  quis  silentii  mei  culpa  in  offensionem  aliquam  incideret.  Postrema  causa,  quae  me  movet,  ut  horum  sycophantarum  audaciam  compescam,  haec  est:  ne  in  posterum  idem  audeant  adversus  [pag.  9]  alios.  Solent  enim  illi  nostra  patientia  audaciores  fieri.  Si  de  mea  re  tantum  ageretur:  facile  conquiescerem,  et  malum  benignitate  vincere  praeoptarem:  quin  etiam  exemplo  Christi,  quod  Iesaias  proponit,  plane  obmutescerem.  Sed  quum  aliis  damnosam  fore  video  meam  patientiam:  non  possum  non  hoc  periculo  moveri,  ut,  quantum  possim,  ei  occurram.  Nam  hoc  est  mendacii  proprium,  ut  si  toleretur,  magis  invalescat:  si  refellatur,  statim  concidat.  Neque  vero  tali  me  dignor  honore,  ut  gloriosum  aliquod  post  mortem  testimonium  appetam,  quod  mei  nominib  quasi  monumentum  in  hoc  mundo  supersit.  Utinam  potius  apud  homines  oblivione  sepultum  sit  nomen  meum:  id  vero  quod  unum  laude  digDum  est,  in  iusto  pretio  habeatur.  Sed  illud  mihi  curae  est,  ne  meo  vitio  perniciosum  aliquod  exemplum  in  me  statuatur,  quod  bonis  viris  deinceps  obsit,  quibus  homines  malevoli  calumnias  struere  vellent.  Quasi  impune  liceat  eos  traducere,  qui  patienter  iniurias  tolerant.  Quod  nisi  mea  me  conscientia  cogeret  tueri  Christi  causam,  in  asserenda  evangelii  ipsius  veritate:  meo  deinde  erga  tuam  maiestatem  officio  satisfacere:  tum  omnem,  quae  ex  me  nasci  posset,  offensionem  amoliri:  postrenio  [pag.  10]  insolentiam  rnaledieorum  reprimere:  nil  mihi  sane,  Caesar,  antiquius  esset,  quam  innocentiam  meam  Domino,  qui  innocentiae  iustus  est  patronus  et  vindex,  commendare:  meaeque  conscientiae  testimonio  contentum  esse  potius,  quam  tuam  maiestatem  nunc  mea  defensione  occupare.  Sed  quum  perspicue  ostendisse  mihi  videar,  etiam  si  velim,  non  esse  id  mihi  integrum:  spero  tuam  maiestatem  ea  erga  me  foro  aequitate,  ut  et  aliquam  audientiam  mihi  tribuat,  et  de  eo  quod  liquide  intellexerit,  sententiam  ferat.  Atque  adeo  tua  interest,  Caesar,  verum  in  talibus  causis  tibi  patefieri,  ne  quibus  patet  ad  aures  tuas  aditus  familiaritate  tua  impune,  dum  omnes  tacent,  abutantur.  Caeterum  ut  ad  ipsam  causam  aggrediar,  quam  coram  te  agere,  Caesar,  instituo,  adversarii  me  accusant  haereseos:  quae  religioni  christianae  adversetur,  eoque  nomine  cessisse  patria  ut  poenam  quam  meritus  essem,  effugerem.  Sed  prius  quam  ad  praecipuum  causae  statum  descendam,  respondendum  mihi  est  quibusdam  calumniis  quas  iidem  illi,  ut  mihi  invidiam  et  odium  conflarent,  vulgo  sparsere.  Non  tam  fortasse  apud  te,  Caesar,  quem  quidem  ita  fallere  non  possunt,  quam  apud  alios  bonos  viros,  qui  neque  me  norunt,  neque  rationem