1:276  contentionem,  nec  sincere  evangelium  praedicabant,  malitiose  etiam,  cogitantes  se  pressuram  suscitare  vinculis  eius.  Alicubi  non  multus  erat  evangelii  profectus.  Omnes  quae  sua  erant  quaerebant,  non  quae  Iesu  Christi.  Alii  retrorsum  abibant,  canes  ad  vomitum,  et  sues  ad  volutabrum  luti.  Plerique  libertatem  spiritus  rapiebant  ad  licentiam  carnis.  Insinuabant  sese  multi  fratres,  1)  a  quibus  deinde  piis  imminebant  pericula.  Inter  ipsos  fratres  variae  concertationes  suscitabantur.  Quid  hic  apostolis  agendum  erat?  An  non  vel  ad  tempus  dissimulandum,  vel  potius  omittendum  illud  evangelium  ac  deserendum  erat,  quot  tot  litium  videbant  esse  seminarium,  tot  periculorum  materiam,  tot  scandalorum  occasionem?  At  in  huiusmodi  angustiis  succurrebat,  Christum  esse  lapidem  offensionis  et  petram  scandali,  positum  in  ruinam  et  resurrectionem  multorum,  et  in  signum  cui  contradiceretur.  Qua  fiducia  armati  per  omnia  tumultuum  offensionumque  discrimina  audacter  progrediebantur.  Eadem  et  nos  cogitatione  sustentari  decet,  quando  hoc  perpetuum  evangelii  2)  testatur  Paulus,  ut  sit  odor  mortis  in  mortem  iis  qui  pereunt,  odor  vitae  in  vitam  iis  qui  salvi  fiunt.  8)  Quod  ipsum  nos  quoque  certe  experiremur,  nisi  nostra  ingratitudine  corrumperemus  hoc  tam  singulare  Dei  beneficium,  ac  in  exitium  nostrum  verteremus,  quod  nobis  unicum  salutis  praesidium  esse  debuerat  Sed  ad  te  revertor,  o  magnanime  Rex.  Nihil  te  moveant  vanae  illae  delationes,  quibus  terrorem  tibi  iniicere  nituntur  nostri  adversarii:  non  aliud  hoc  novo  evangelio  (sic  enim  appellant),  captari  ac  quaeri,  nisi  seditionum  opportunitatem,  ac  vitiorum  omnium  impunitatem.  Neque  enim  divisionis  Deus  autor  est,  sed  pacis;  et  filius  Dei  non  peccati  minister  est,  qui  venit  ad  dissolvenda  opera  diaboli.  Et  nos  talium  cupiditatum  immerito  accusamur,  1)  lege.  fratres  falsi,  iubente  correctore  ad  calcem  ed.  1536.  2)  hunc  perpetuum  evangelii  genium  esse  1543  seqq.  3)  tametsi  in  hunc  potius  usum  vobis  [nobis?]  destinatum  erat,  ut  odor  esset  vitae  m  vitam  ac  potentia  Dei  in  salutem  fidelium.  1543  seqq.