8:275  275  DE  AETERNA  DEI  276  aufert  cor  lapideum,  et  dat  cor  carneum.  Sic  quippe  fecit  filios  promissionis  et  vasa  misericordiae  quae  praeparavit  in  gloriam.  Cur  ergo  non  omnes  docet  ut  veniant  ad  Christum,  nisi  quia  omnes  quos  docet,  misericordia  docet:  quos  autem  non  docet,  iudicio  non  docet?  quoniam  cuius  vult  miseretur,  et  quem  vult  obdurat.  Quanquam  breviore  compendio  potest  huius  quaestionis  summa  perstringi.  Trahi  a  patre  Christus  dicit,  non  quibus  flexibile  cor  datur,  ut  venire  ad  eum  possint:  sed  quorum  Deus  spiritu  suo  cor  intus  afficit,  ut  re  ipsa  veniant.  Id  non  omnibus  promiscue  dari,  experientia  [pag.  43]  vel  caecis  demonstrat.  Iam  quod  neminem  ex  eorum  numero  se  eiicere  pronunciat,  quin  potius  repositam  in  tuto  esse  omnibus  vitam,  donec  excitet  eos  in  novissimo  die:  quis  non  videt  finalem,  ut  vulgo  loquuntur,  perseverantiam  Dei  electioni  similiter  adscribi?  Fieri  potest,  ut  a  fide  quidam  excidant:  sed  qui  sibi  a  patre  donati  sunt,  extra  ruinae  periculum  Christus  esse  asserit.  Quemadmodum  et  alio  loco  (Ioann.  10,  26  seqq.),  postquam  dixit  ex  Iudaeis  quosdam  non  credere,  quia  ex  ovibus  suis  non  essent,  oves  ipsas  quasi  in  securo  salutis  portu  collocat.  Non  peribunt,  inquit,  in  aeternum:  nec  rapiet  eas  quisquam  a  manu  mea.  Pater  qui  dedit  mihi,  maior  omnibus  est.  Hunc  tam  firmum  salutis  statum  Pighius  in  fide  praesenti  fundare  non  audebit:  quum  eam  a  libero  hominis  arbitrio  suspendat.*)  Nec  quasi  de  re  ambigua  disputandum,  ubi  Christus,  cunctis  Satanae  machinationibus  suam  unius  tutelam  opponens,  ideo  tutos  ad  extremum  usque  nos  fore  pronunciat,  quia  servare  velit.  Porro  ne  cui  dubium  sit,  quos  fide  sua  protegendos  suscipiat,  iterum  nos  revocat  ad  patris  donationem.  Nec  vero  leviter  praetereundum,  quod  potentiorem  quibuslibet  adversariis  Deum  facit,  ne  minor  sit  nobis  salutis  securitas,  quam  potentiae  Dei  reverentia.  Ergo  inter  tam  violentos  [pag.  44J  insultus,  tam  varia  discrimina,  tantas  procellas  et  agitationes,  in  eo  tamen  consistit  status  nostri  perpetuitas,  quod  Deus,  quod  de  salute  nostra  apud  se  decrevit,  brachii  sui  virtute  constanter  tuebitur.  Si  quisque  nostrum  se  aspiciat:  quid  potest  aliud  quam  trepidare?  Nam  circa  nos  omnia  nutant:  et  nihil  nobis  imbecillius.  Sed  quia  coelestis  pater,  quos  filio  donavit,  perire  non  sinet,  quantum  habet  hic  potentiae,  tam  certa  est  nobis  fiducia  et  gloriatio:  quia  ideo  fortis  est,  ut  constans  et  invictus  appareat  suae  donationis  assertor.  Nam  ut  scite  Augustinus2)  dicit:  Horum  si  quisquam  perit,  fallitur  Deus.  Sed  nemo  eorum  perit,  quia  non  fallitur  Deus.  Horum  si  quisquam  perit,  humano  vitio  Deus  vincitur.  Sed  nemo  1)  Add.  ou  plustost  qu'elle  pende  de  la  comme  d'un  filet.  2)  Lib.  de  corrept,  et  grat.  cap.  7.