51:275  275  SERMON  III  276  laissez  en  leur  condition  premiere,  qu'ils  n'ont  rien  de  commun  avec  Dieu,  mais  sont  du  tout  retranchez  de  son  royaume.  Yray  est  qu'Adam  nostre  pere  a  este  cree  a  l'image  de  Dieu,  et  aussi  il  a  este  excellent  en  son  premier  estat:  mais  depuis  le  peche  nous  sommes  du  tout  abysmez.  Et  mesmes  Adam  (comme  nous  voyons)  n'a  eu  nulle  fermete  en  soy,  et  son  franc-arbitre  qui  luy  estoit  donne,  n'a  este  sinon  pour  le  rendre  plus  inexcusable:  car  il  est  cheut  de  son  gre,  et  de  sa  propre  malice.  Mais  cependant  nous  voyons  quelle  constance  il  y  a  eue,  qu'a  grand'  peine  a-il  este  cree  qu'il  ne  tombe,  et  ne  se  ruine,  et  nous  avec  luy.  Maintenant  donc  nous  naissons  tous  enfans  d'ire  et  maudits  de  Dieu.  Et  ainsi,  quand  nous  demeurons  en  nostre  condition  et  premier  estat,  il  n'y  a  en  nous  que  mort  eternelle.  Il  faut  donc  que  Dieu  nous  appelle  a  soy.  Car  pouvons-nous  acquerir  une  telle  dignite?  Ou  est  l'or  ou  l'argent  dont  nous  la  puissions  acheter?  Ou  sont  les  vertus  dont  nous  puissions  recompenser  Dieu  d'un  privilege  si  grand  et  si  excellent?  Brief  (comme  il  est  dit  en  ce  passagela)  ce  n'est  point  ni  de  la  chair  ni  du  sang,  c'est  a  dire  de  rien  que  nous  puissions  trouver  en  ce  monde.  Il  y  a  donc  l'adoption  seule  de  Dieu  (car  le  mot  dont  use  sainct  Paul,  signifie  constitution  d'enfans).  Comme  quand  un  homme  adoptera  un  enfant,  il  le  choisit  pour  estre  son  heritier,  et  tout  le  bien  qu'il  a  puis  apres,  est  a  ce  titre-la.  Ainsi,  nous  sommes  heritiers  de  la  vie  celeste,  d'autant  que  Dieu  nous  a  adoptez  et  choisis  pour  ses  enfans.  Voire,  mais  8.  Paul  ne  se  contente  pas  d'avoir  magnifie  la  grace  de  Dieu  iusques  la:  ii  dit  qu'il  nous  a  aussi  predestinez,  qu'il  avoit  defini  cela  auparavant.  Nous  voyons  donc  comme  S.  Paul  amasse  tout  ce  qui  peut  abbatre  les  vaines  fantasies  que  nous  pourrions  concevoir  d'avoir  apporte  rien  a  Dieu,  ou  de  nous  avancer  envers  luy  et  de  nous  rendre  agreables.  Il  faut  donc  que  tout  cela  soit  mis  a  neant,  tellement  que  la  grace  de  Dieu  seule  soit  cognue  en  cest  endroit.  Et  c'est  aussi  pourquoy  il  reitere,  Tar  Iesus  Christ.  Si  donc  on  demande  pourquoy  et  comment  nous  sommes  predestinez  de  Dieu  pour  luy  estre  enfans,  c'est  pource  qu'il  a  daigne  nous  regarder  en  Christ  :  car  (comme  nous  avons  dit)  c'est  comme  le  registre  auquel  nous  sommes  escrits  pour  parvenir  a  l'heritage  de  vie  et  de  salut.  Car  combien  que  Dieu  ait  pitie  de  nos  miseres,  si  est-ce  toutesfois  que  nous  luy  serions  comme  execrables,  sinon  que  Iesus  Christ  vinst  au  devant:  car  nous  sommes  d'une  mesure  pareille  et  egale,  tous  qui  sommes  descendus  d'Adam.  Or  les  uns  sont  reprouvez.  Et  pourquoy,  sinon  que  Dieu  les  regardant  tels  qu'ils  sont,  les  dedaigne?  Mais  il  nous  choisit  en  nostre  Seigneur  Iesus  Christ  et  nous  regarde  la  comme