5:275  EPISTOLA  I.  glose  abs  te  in  timore  Domini  educetur,  optimaque  disciplina  imbuatur.  Nam  si  verum  est  quod  ab  Aristotele  dicitur,  suam  unicuique  domum  quandam  esse  parvuli  regni  effigiem,  in  qua  paterfamilias  ipse  instar  reguli  leges  ferat,  quibus  plebeculam  suam  ad  omnem  iustitiam  innocentiamque  instruat:  ne  hominum  quidem  iudicio  excusandus  est  ille,  qui  regendae  familiae  securus,  modo  ipsam  erga  se  satis  sedulam  ac  officiosam  semper  habeat,  in  Deum  et  homines  flagitiosam  esse  sinit.  At  tibi  altius  etiam  cogitatione  assurgendum  est:  nempe  custodiae  fideique  tuae  commissos  a  Domino  eos,  quibus  te  dominum  destinarit:  a  Domino,  inquam,  tibi  assignati  sunt,  qui  tibi  subsunt  servi,  quos  ipsi  primum,  deinde  et  sub  ipso  tibi  obedire  servireque  doceas  atque  assuefacias.  Quare  non  sine  causa  tam  gravi  censura  notavit  eos  apostolus,  qui  administrandae  familiae  sollicitudinem  abiicerent,  ut  eos  assereret  fidem  abnegasse,  et  esse  infidelibus  deteriores  (1  Tim.  5,  8).  Quid  enim  aliud,  quam  provinciam  sibi  a  Deo  traditam  deserunt  et  abiurant,  vocationemque  eius  renunciant?  At  pessimo  sunt  ingenio  famulorum  plerique,  et  in  quibus  verum  fere  vetus  illud  de  servis  proverbium  experimur:  Tot  esse  domi  nobis  hostes,  quot  sin,t  servi.  Sic  quidem  vulgo  et  existimatur  et  iactatur:  sed  non  ita  est.  Non  enim  eos  habemus  hostes,  sed  vitio  nostro  nobis  facimus,  dum  eos  instar  brutarum  animantium  sine  doctrina,  sine  Dei  cognitione,  sine  pietatis  institutione  alimus:  ac  conservos  esse  nostros  obliviscimur,  quorum  regimen  nobis  fuerit  a  coelesti  Domino  commendatum.  An  vero  scriptura  Christiani  elogium  homini  nemini  deferet,  ut  non  simul  adiiciat  ipsum  credidisse,  et  domum  eius  totam:  nos  autem  de  Christi  fide  gloriabimur,  eius  abnegationem  intra  domus  nostrae  parietes,  in  servis  nostris  foventes?  Quare,  si  in  homine  frugi  istud  apprime  requiritur,  ut  recte  et  ordine  familiam  administret,  christiani  autem  hominis  familia  tum  rite  demum  composita  censeri  debet,  si  cuiusdam  veluti  ecclesiolae  species  in  ea  spectatur:  danda  omnino  tibi  opera  est,  ne  tuam  pietatis  rudem  atque,  ignorantem  relinquas.  Neque  est  quod  te  vulgares  [pag.  42]  illi  scrupuli  morentur.  Egone  vitae  meae  arbitrium  famulo  permittam  ?  Ego,  ad  me  iugulandum,  cxsertum  ensem  in  manum  praebebo?  Primum,  fac  tales  in  familiam  tuam  allegas,  quorum  indoles  ac  nativum  ingenium  boni  nonnihil  polliceatur:  eos  nactus  Dei  doctrina  excolere  aude,  verbique  eius  semine  conserere.  Providebit  ipse  caetera,  datoque  successu  efficiet,  ne  te  mandatis  suis  obsequutum  fuisse  unquam  poenitebit.  Et  sane  nisi  tibi  sponte  imponis,  dispicere  tecum  potes,  quanto  maiore  tum  molestia,  tum  periculo  habiturus  sis  perpetuo  in  ipsis  domus  tuae  penetralibus,  quos  appo-  Bitob  tibi  custodes  ducas,  a  quorum*  insidiis  tibi*  semper  metuas,  quorum  timore  angulum  nullum  habeas,