41:275  275  PRAELECTIONES  276  Maozim,  colet  in  loco  suo,  inquit,  et  honorabit  deum  alienum,  et  deum  quem  non  cognoverunt  patres  eius.  Iterum,  honorabit  in  auro,  et  argento,  et  lapide  pretioso,  et  omnibus  desiderabilibus,  hoc  est,  magnifice  et  cum  eximia  pompa  colet  deum  suum.  Et  quidem  scimus  congestas  fuisse  totius  mundi  opes  in  ornatum  templorum.  Simul  enim  atque  animo  quis  destinaverat  templum  aliquod,  necesse  erat  hinc  inde  rapere,  et  ita  spoliabant  omnes  provincias,  ut  templa  sua  locupletarent.  Quum  ergo  talis  fuerit  splendor  Romae  neque  ob  superstitionem,  sed  tantum  ut  sese  extollerent,  et  essent  admirationi  cunctis  gentibus,  videmus  quam  bene  hoc  vaticinium  cum  re  ipsa  vel  eventu  conveniat.  Nam  quantumvis  alii  superstitiosi  fuerint  in  colendis  suis  idolis,  tamen  Romani  omnibus  aliis  fuerunt  superiores.  Nam  initio  quum  victores  essent  Siciliae,  scimus  quantas  opes  abstulerint  ex  una  urbe  duntaxat.  Etenim  si  unquam  referta  fuerunt  templa  magno  et  copioso  splendore  et  multis  divitiis,  certe  fatentur  ipsi  Syracusas  fuisse  in  summa  praestantia.  Atqui  Marcellus  exinanivit  fere  omnia  templa,  ut  ditaret  urbem  romanam,  et  ita  ornaret  falsorum  deorum  templa.  Quorsum  illud?  An  quia  Iupiter,  et  Iuno,  et  Apollo,  et  Mercurius  meliores  erant  Romae  quam  alibi?  Minime,  sed  quia  volebat  urbem  ipsam  locupletare,  deinde  volebat  omnes  deos  ubicunque  essent  ludibrio  habere  et  ducere  in  triumpho,  ut  nulla  esset  excellentia  deitatis,  nisi  in  illa  sede  imperii,  hoc  est,  Romae.  Et  postea  adiungit,  Faciet.  Hic  iterum  de  prosperitate  videtur  loqui  angelus.  Neque  dubito  quin  hic  fulciat  animos  piorum,  qui  alioqui  vacillare  aut  etiam  labascere  poterant,  quum  viderent  tot  et  tam  incredibiles  successus  in  illa  gente  tam  sacrilega  et  impia,  deinde  etiam  tam  barbarae  crudelitatis.  Dicit  igitur  Romanos  fore  votorum  suorum  compotes  quidquid  aggrediantur,  quoniam  fortitudo  ipsorum  praevalebit,  nempe  cum  J)eo  ipsorum.  Etiamsi  contemnant  omnes  deos,  et  tantum  sibi  deum  fabricent  ambitionis  suae  causa,  tamen,  inquit,  succedet  illis.  Nunc  vocat  deum  alienum.  Hac  voce  utitur  scriptura  quum  discernit  idola  et  fictitios  deos  ab  unico  et  vero  Deo.  Nihil  ergo  videtur  speciale  dicere  angelus  de  Romanis.  Nam  Athenienses  et  Lacedaemonii,  deinde  Persae  ab  alia  parte,  et  Asiatici,  et  omnes  totius  orbis  gentes  colebant  deos  alienos.  Quid  ergo  sibi  vult  hoc  nomen?  Nam  certum  est,  angelum  non  loqui  ex  communi  more  aliorum.  Ergo  hic  Alienum  vocat,  qui  non  fuerit  traditus  de  manu  in  manum,  sicut  loquuntur,  quia  etiamsi  plenis  buccis  creparent  se  colere  deos  acceptos  a  maioribus,  et  illorum  instituta  sibi  esse  sacrosancta,  ritus  omnes  esse  inviolabiles,  ridebant  tamen  intus,  neque  putabant  unius  pili  esse  omnes  suos  deos,  sed  tantum  volebant  retinere  aliquam  fallacem  speciem  religionis,