29:275  275  HOMILIA  IV.  276  ipsa  patrem  agnoscant,  sobolisque  autorem  ac  largitorem  profiteantur,  quos  tanto  dignatus  est  honore,  ut  in  partem  propriae  sibi  soli  dignitatis  eos  assumserit.  Sed  in  Anna  specialem  quandam  etiam  fuisse  rationem  apparet.  Nam  statim  post  oblatas  Deo  preces  concepit,  ut  illi  Deus  eius  apud  se  preces  non  irritas  fuisse  testatum  faceret,  quum  ex  prius  sterili  concepisset,  ac  filium  genuisset.  Hic  igitur  singularis  Dei  virtus  ex  temporis  collatione  sese  patefacit:  Nam  si  liberos  ex  Elcana  sicut  altera  sustulisset,  non  adeo  celebris  Dei  gratia  fuisset.  At  quum  ex  sterili,  ac  proinde  nunquam  conceptura,  repente  concipit,  ac  mater  efficitur,  merito  Dei  virtus  agnoscitur,  donumque  Dei  ac  privilegium  speciale  praedicatur,  quod  mulierculae  preces  Deus  ipse  dignatus  sit  exaudire.  Hinc  conspicuum  quousque  se  Deus  in  hominum  gratiam  deiiciat,  quum  preces,  quas  pro  vitae  praesentis  commodis  illi  offerunt,  exaudire  non  dedignatur.  Tale  est  supra  memoratum  Isaaci  exemplum  :  tale  etiam  ex  opposito  Iacobi,  quibus  istud  etiam  adiiciendum.  Quare  quum  Deus  istiusmodi  preces  exaudiat,  insigne  clementiae  signum  est  ipsius,  veluti  manum  porrigentis  nobis,  atque  cohortantis  ne  faciem  eius  refugiamus  in  eius  sinum  afflictiones  nostras  effusuri,  et  vel  minima  quaeque  ad  hanc  vitam  necessaria  flagitaturi.  Absit  vero  Deum  dicam  tanta  licentia  interpellandum,  ut  quaecunque  libido  suaserit  ab  eo  postulemus.  Nam  in  primis  divina  voluntas  est  intuenda  ad  ^quam  vota  nostra  componantur,  qua  res  abiectI8simas,  puta  calceos,  vel  subligacula,  et  alia  istiusmodi  petere  non  erubescamus:  quum  ne  levissimarum  quidem  rerum  quas  nobis  a  se  adoptatis  filiis  necessarias  esse  novit,  curam  ac  sollicitudinem  abiiciat.  Et  hoc  sane  Anna  dicitur  agnovisse;  nam  postquam  marem  peperit,  Deo  eundem  et  eius  cultui  dedit  ac  dicavit:  Samuelemque  nuncupavit,  quod,  inquit,  eum  a  Domino  petii,  atque  ad  meas  ille  preces  annuit.  Observanda  vero  ratio  illa  firmissima  qua  nititur,  quum  se  ut  impetraret  filium  Deum  invocasse  dicit.  Nam  ita  fidem  suam  magis  ac  magis  confirmat,  sibi  Deum  agnoscens  benedixisse  non  tantum  largiendo  sibi  foecunditatem  ex  humanae  consuetudinis  more,  sed  extraordinaria  quadam  ratione:  quasi  Deus  testaretur  palam  hoc  miraculo,  coelo  potius  delapsum  illum  infantem  quam  ordinaria  ratione  natu  in.  Itaque  haec  fuit  Annae  mens  :  nam  etsi  ex  supra  dictis,  quibus  audivimus  illam  postulandi  finem  non  fecisse,  videri  possit  de  exauditione  incerta  fuisse,  tamen  non  dubium  est  quin  plena  bonae  spei  fuerit  ac  secundum  fidem  exaudita  sit.  Neque  vero  propterea  tantum  nobis  permittendum,  ut  quidquid  in  buccam  venerit,  a  Deo  petamus,  sperantes  nos  exauditum  iri:  sed  hinc  discendum  potius,  etsi  a  Deo  nos  exaudiri  credamus,  tamen  in  precando  assiduos  esse  opor-