10.1:275  APOLOGIA  tromo  illam,  quae  promissa  est,  compensationem  intueor:  nos  cum  illo  ad  nihilum  tantum  non  redigi  oportere,  ut  quum  dies  venerit,  in  regnum  Dei  patris  tanto  altius  erigamur.  Novum  itaque  mihi  esse  non  debet,  si  coram  hominibus  deprimar,  atque  etiam,  quum  opus  fuerit,  plane  deiiciar,  quum  ea  simul  meo  animo  insideat  consolatio,  esse  illud  mihi  apud  Deum  et  eius  angelos  gloriae,  atque  honori.  Et  sane,  non  ita  tenuiter  in  Dei  verbo  profeci,  quin  iliud  vere  sentiam  quid  sibi  velit,  quantumque  valeat,  quod  eius  filius  pronunciavit:  Beatos  fore  nos,  quum  propter  nomon  suum  vulgo  male  audiemus.  Aequo  itaque  animo  feram  quod  Dominus  statuit,  nec  aliquo  privilegio  eximi  peto  [pag.  7]  eorum  conditione,  quorum  alioqui  in  numero  censeri,  longe  abest  quin  dignus  sim.  Sed  si  tuae  maiestati  placuerit,  Caesar,  aequis  auribus  audire,  quae  me  causae  cogant,  hanc,  quam  nunc  tibi  exhibeo,  excusationem  conscribere:  spero  tibi  probatum  iri  meum  hoc  patefaciendae  tibi  innocentiae  meae  studium.  Primum  enim  si  te  mihi  offensum  esse  intellexero,  mei  officii  est,  quoad  potero,  rationem  tibi  reddere  eorum  quibus  oneror  criminum.  Nam  quum  natura  ipsa  me  tibi  obstrictum  genuerit,  ut  qui  sub  tua  ditione  natus  sum:  tu  eam  obligationem  magis  etiam  auxisti  tua  erga  me  benevolentia,  qui  me  a  puero  in  aula  tua  educasti.  Velim  itaque  tibi  persuadeas,  Caesar,  dare  me  velle  operam,  ut  tuam  maiestatem,  quod  quidem  in  me  fuerit,  hac  maxime  ratione  habeam  propitiam,  ne  officio  meo  desim.  Quanquam  et  alioqui  ultro  animus  meus  eo  inclinet.  Nam  etsi  mihi  male  conscius  non  sim,  grave  tamen  mihi  est,  benevolentia  tua  excidisse.  Neque  sane  id  alia  de  causa,  quam  quod  tuae  maiestati,  quantum  in  me  est,  gratus  esse  cupiam.  Est  et  alia,  Caesar,  quae  me  dissimulare  non  patitur,  ratio.  Nobis  enim  a  Domino  praecipitur,  ut  os  obstruamus  calumniatoribus,  [pag.  8]  honeste  nos  gerentes,  non  modo  coram  Deo,  sed  et  coram  hominibus.  Et  quanquam  primum  illud  fieri  debeat  honesta  et  irreprehensibili  vita,  in  qua  nullam  inveniant  de  nobis  maledicendi  occasionem,  qui  eam  quaerunt:  tamen  quum  id  praestare  studuimus,  si  ea  nihilominus  sit  adversariorum  impudentia,  ut  non  erubescant  falsis  calumniis  nos  impetere,  operae  pretium  est  interdum,  eiusmodi  libidinem  cohiberi,  ne  alioqui,  propter  nos,  male  nomen  Domini  audiat.  Non  sane  quod  nominis  tantum  nostri  et  honoris  asserendi  causa,  de  calumniatoribus  reprimendis  solliciti  esse  debeamus:  sed  ubi  quae  nobis  obiiciunt  crimina,  Dei  nomen  attingunt,  et  in  eum  veluti  redundant,  non  modo  non  tacere  debemus,  sed  constanter  reclamare.  Nam  et  alioqui  ex  nostra  dissimulatione  aliud  malum  sequeretur.  Multi  enim  boni  viri,  hac  occasione  turbati,  a  recto  itinere  abduci