6:274  rum  literis  proderetur,  quo  integra  ad  posteros  perveniret.  Qua  enim  alia  de  causa  et  legem  et  prophetias  scriptis  mandari  voluit,  nisi  ut  ad  perpetuam  memoriam  exstaret  certa  doctrina,  quam  sequi  omnes  aetates  deberent?  Nam  quae  est  hominum  hinc  levitas  et  inconstantia,  inde  novandi  audacia  et  libido,  novam  subinde  religionis  formam  appeterent,  nisi  certis  finibus  doctrinae,  quasi  septis  quibusdam,  continerentur.  Clamat  Dominus:  Ego  idem  sum  semper,  et  non  mutor  (Mal.  3,  6).  Verum  id  parum  prodesset,  nisi  eius  stabilitatem  cernerent  homines  in  verbo,  velut  in  speculo:  ut  dum  stabiles  illic  perstant,  Deo  suo  adhaereant  sine  ulla  mutatione.  Ergo  de  apostolorum  doctrina  factum  est,  ut  ante  de  prophetiis.  Non  omnes  quidem  conciones  ad  verbum  exceptae1)  sunt,  sed  in  summam  tamen  fideliter  redactum  est  totum  eorum  evangelium:  quae  ad  plenum  sufficere  nobis  posset.  Ergo  multifariam  multisque  modis  loquutus  est  olim  Deus  per  prophetas  :  postremum  in  dilecto  filio  suo,  novissimis  diebus  (Hebr.  1,  1).  Cur  novissimi  dies  vocantur  [pag.  58]  a  Christi  revelatione?  Nempe,  quia  postremum  loquutus  est  Deus.  Per  quem?  per  filium.  Quid  loquutus  est?  Id  ut  sciamus,  ad  patrum  traditionem  nos  Pighius  amandat.  Dico  in  scriptis  apostolicis  contineri:  quemadmodum  Ioannes  scribere  se  testatur,  ut  qui  legunt,  habeant  vitam  aeternam  (Ioann.  20,  31).  Ergo  neque  Pauli,  neque  alterius  cuiuspiam  privatim  evangelium  nunc  habemus,  sed  illud  vocamus  catholicae  ecclesiae  evangelium,  quod  in  literas  redactum  Deus  pro  verbo  suo  consignavit.  Quod  autem  suam  praedicationem,  et  illud  quod  ipse  tradiderat  evangelium  nominatim  Paulus  aliquoties  commendat,  ea  causa  facit,  ut  puram  et  germanam  Christi  doctrinam  a  fictitio  pseudoapostolorum  evangelio  discernat.  Nam  et  illi  Christum  praedicare  se  iactabant:  quum  eius  interea  nomine  abuterentur  ad  veritatem  adulterandam.  Oportuit  ergo  purum  et  sincerum  evangelium  singulari  aliqua  nota  designari,  ne  pro  Christi  verbo  fideles  pseudoapostolorum  figmenta  susciperent.  Verum  Irenaeus,  Tertullianus,  Origenes,  quum  de  dogmatibus  certamen  haberent  cum  haereticis,  non  ad  scripturas,  sed  ad  ecclesiae  traditionem  provocarunt.  Perinde  agit  Pighius,  ac  si  sepultos  apud  se  haberet  eorum  libros,  ne  tam  aperti  mendacii  eorum  lectione  convinceretur.  Fateor  equidem  et  eam  ab  ipsis  proferri  in  medium,  ut  eius  autoritate  causam  suam  stabiliant,  et  de  ea  honorificam  facere  mentionem.  Sed  inspicienda  est,  tum  ratio,  tum  circumstantia  temporum,  tum  etiam  modus  et  temperamentum  quo  utuntur.  Negotium  erat  1)  Princeps  et  Gallasius  habent:  excerptae;  Gallus:  recueillis.  18