51:274  autres  des  paillars  et  dissolus,  qui  se  lascheront  la  bride  a  toute  vilenie.  Cependant  il  leur  semble  quand  ils  feront  quelques  agios,  qu'ils  ont  quelque  couverture  de  sainctete  par  ces  ceremonies.  Sainct  Paul  pour  couper  broche  a  tout  cela,  dit  qu'il  nous  faut  cheminer  en  charite  (qui  est  le  lien  de  perfection,  et  l'accomplissement  de  la  Loy)  si  nous  voulons  que  nostre  vie  soit  approuvee  de  Dieu.  Voila  donc  en  somme  ce  que  nous  avons  a  retenir  de  ce  passage.  Et  au  reste,  notons  que  sainct  Paul  nous  exhorte  ici  de  faire  hommage  a  Dieu,  de  tout  ce  qu'il  y  a  en  nous  de  vertu  et  de  bien:  comme  si  nous  avons  quelque  bon  zele,  si  nous  bataillons  contre  noa  vices,  si  nous  cheminons  en  l'obeissance  de  Dieu,  dont  procede  cela?  de  ceste  source  qu'il  nous  propose,  c'est  a  scavoir  que  Dieu  nous  a  eleus.  Cognoissons  donc  que  la  louange  luy  en  est  deue,  que  nous  ne  le  fraudions  point  de  ce  qui  luy  appartient.  Car  nous  pourrions  estre  d'une  vie  Angelique:  mais  si  nous  avons  ceste  folle  opinion  que  cela  procede  de  nostre  franc-arbitre  et  de  nostre  mouvement  propre,  le  principal  nous  defaut.  Car  de  quoy  servent  toutes  nos  bonnes  oeuvres,  sinon  a  fin  que  Dieu  en  soit  glorifie?  Et  si  nous  en  cuidons  estre  les  autheurs,  nous  voyons  comment  elles  sont  corrompues  par  ce  moyen-la,  et  se  convertissent  en  vices,  tellement  qu'il  n'y  a  plus  qu'ambition.  Voila  donc  ou  sainct  Paul  a  pretendu  en  ee  passage,  c'est  a  scavoir  de  nous  ramener  tousiours  a  l'election  gratuite  de  Dieu,  a  fin  que  nous  scachions  que  tout  bien  depend  de  la.L  a  dessus  il  adiouste,  Que  nous  sommes  predestinez  en  adoption  en  soy-mesme^  par  Iesus  Christ,  selon  le  bon  plaisir  de  sa  volonte.  Quand  il  dit  que  Dieu  nous  a  predestinez  en  adoption,  c'est  pour  monstrer  que  si  nous  sommes  ses  enfans,  ce  n'est  point  de  nature,  c'est  de  sa  pure  grace.  Or  ceste  pure  grace  n'est  pas  au  regard  que  Dieu  ait  rien  preveu  en  nous  (comme  desia  ce  matin  nous  en  avons  touche),  mais  c'est  pource  qu'auparavant  il  nous  avoit  marquez  et  assignez  a  telle  adoption,  voire  en  sorte  qu'on  ne  peut  point  cercher  la  cause  ailleurs  qu'en  luy.  Et  c'est  aussi  pourquoy  sainct  Paul  adiouste  qu'il  l'a  fait  en  soy-mesme,  et  selon  le  bon  plaisir  de  sa  volonte.  Il  est  vray  qu'il  reitere  aussi  ce  que  nous  avons  declare  ce  matin,  que  le  tout  a  este  en  Iesus  Christ.  Voici  donc  ce  que  nous  avons  a  observer  de  ce  passage,  c'est  que  nous  ne  sommes  pas  faits  enfans  de  Dieu,  sinon  d'autant  qu'il  nous  a  choisis  a  soy:  car  ce  n'est  pas  de  naissance  ou  (l'heritage  que  nous  avons  une  telle  dignite  (comme  il  est  dit  au  premier  chap.  de  sainct  Iean),  cela  ne  procede  ne  du  sang  ne  de  la  chair,  tellement  que  tout  ce  qu'on  pourroit  cercher  en  nos  personnes  est  exclus  et  du  tout  aboli.  Et  c'est  pour  nous  monstrer  que  si  les  hommes  sont  18