5:274  tibi  expediam.  Adsis1)  modo  vicissim  tum  accincta  propensaque  ad  auscultandam  Domini  vocem  obedientia,  tum  ad  exsequenda  eius  imperia  constanti  intrepidaque  animi  destinatione  :  ac  denique,  id  quod  est,  memineris,  non  tam  ab  homine  tibi  dari  consilium,  quam  e  sacro  aeterni  Dei  ore  acceptum  oraculum  per  hominem  pronunciari.  Hoc  ergo  in  primis  tibi,  in  universum  interdictum  arbitrare,  ne  te  quisquam  aut  missae  sacrilegio  communicantem,  aut  coram  simulacro  caput  detegentem  conspiciat,  aut  ullam  omnino  superstitionem  suscipientem,  ex  earum  genere,  quibus  obscurari  Dei  gloriam,  quibus  eius  religionem  profanari,  quibus  eius  veritatem  corrumpi,  supra  docuimus.  Quas  usurpare  non  potes,  quin  et  impiis  confessionem  edas,  in  Deum  penitus  contumeliosam:  et  imbecillos  fratres  in  exitialem  ruinam  exemplo  tuo  trahas.  Sic  autem  dum  te  geris  (siquidem  ad  manifestiorem  confessionem  progredi  animus  non  est)  prospiciendum2)  simul  est  tibi,  quantum  in  te  situm  fuerit,  ne  miseri  illi  ac  caeci  idololatrae  (quibus  sublata  sua  superstitione  Deus  ipse  cum  tota  sua  religione  collapsus  videtur)  dum  tibi  sua  idola  contemptui  deridiculoque  esse  observarint,  Dei  quoque  contemptorem  te  ac  derisorem  esse  opinentur.  Quod  aliqua  ex  parte  assequeris,  si  et  rarus  in  eorum  sacris  compareas,  et  totam  vitae  tuae  rationem  sic  instituas,  ut  religiosum  illis  quiddam  spiret.  Age  igitur,  optime  vir,  tale  in  tuis  moribus  eluceat  pietatis,  bonitatis,  continentiae,  caritatis,  castitatis,  innocentiae  studium,  quod  omni  te  impietatis  suspicione  in  omnium  hominum  conspectu  praeclare  purget  :  ut  etiam  si  superstitiosuli  non  esse  te  sui  similem  indigne  accipiant,  servum  tamen  Dei,  velint  nolint,  agnoscere  cogantur.  Deinde,  nisi  ad  exponendam  cuivis  fidei  tuae  rationem  te  comparas,  eorum  morositati  eatenus  indulgeas,  ne  quo  tempore  sacra  sua  peragunt,  in  ipsa  media  tete  inferas,  contemptum  sine  causa  ostentaturus,  quem  ab  ipsis  (qua  sunt  ignorantia)  pro  mera  in  Deum  impietate  acceptum  iri  scias.  Et  quid  inde  lucri  vel  tibi,  vel  aliis  redeat,  si  atheon  te  esse  suspicentur,  quem  nulla  tangi  religione  existiment?  Verum,  ut  illam  suspicionis  causam  ne  ultro  dataque  opera  praebeas  consulo,  ita  si  forte  fortuna  illuc  incideris,  satius  multo  fuerit,  quidvis  de  te  suspicentur,  quam  idololatram  conspiciant,  [pag.  41J  Quod  si  dignam  christiano  homine  sanctitatem  mores  tui  habuerint,  tum  ad  refutandas  eorum  sinistras  obtrectationes,  in  illa  vitae  integritate  praesidii  satis  habebis.  Iam  et  familiae  instituendae  curam  in  primis  cave  praetermittas  :  cui  non  ideo  solum  te  esse  praefectum  cogitare  debes,  ut  obsequia  tibi  sua  operasque  reddat,  sed  ut  reli-  1)  Adsit,  1576  seqc[.  2)  Sic  sola  princeps.  Caeterae  omnes:  perspiciendum.  Quid  translator  legerit,  dubium,  il  vous  faudra  considerer  et  regarder.  '  18