47:274  praeter  legis  praescriptum.  Honorem  Deus  finiri  noluerat  nisi  morte  hominis:  sed  rebus  turbatis  et  confusis  factum  erat,  ut  Romani  sua  libidine  sacerdotes  subinde  mutarent.  tPorro  evangelista  Caipham  negat  hoc  a  se  ipso  dixisse,  non  quod  tanquam  arreptitius  et  fanaticus  vocem  non  intellectam  emiserit:  loquutus  est  enim  ex  proprio  sensu:  sed  evangelista  significat  superiorem  fuisse  linguae  eius  impulsum,  quia  Deus  aliquid  altius  quam  ipsi  in  mentem  veniret  eius  ore  testatum  esse  voluit.  Fuit  ergo  tunc  quasi  bilinguis  Caiphas,  impium  enim  et  crudele  necandi  Christi  consilium,  quod  in  animo  conceptum  habebat,  evomuit:  Deus  vero  linguam  eius  alio  flexit,  ut  sub  ambiguis  verbis  vaticinium  simul  proferret.  Voluit  autem  Deus  ex  sede  pontificia  manare  coeleste  oraculum,  quo  minus  excusationis  esset  Iudaeis.  Nam  etsi  ex  toto  illo  coetu  nullius  conscientia  tacta  fuit,  senserunt  tamen  postea  stupori  suo  veniam  minime  deberi,  nec  obstitit  Caiphae  impietas,  quin  lingua  eius  spiritus  sancti  esset  organum,  quia  Deus  sacerdotium  a  se  institutum  potius  respexit  quam  hominis  personam:  et  illa  fuit  ratio  quam  attigi,  ut  vox  e  sublimi  loco  emissa  clarius  exaudiretur,  et  plus  haberet  reverentiae  ac  ponderis.  Eodem  modo  per  os  Balaam  (Num.  23,  8),  quem  spiritu  prophetiae  donaverat,  populo  suo  benedicere  voluit.  Sed  plus  quam  ridiculi  sunt  papistae  qui  inde  colligunt,  habendum  esse  pro  oraculo,  quidquid  romano  pontifici  effutire  libuerit.  Primum,  ut  illis  demus,  quod  vanum  est,  prophetam  semper  esse  quisquis  est  summus  sacerdos,  probare  tamen  necesse  habebunt,  romanum  pontificem  Dei  mandato  creari.  Nam  sacerdotium  hominis  unius  Christi  adventu  abolitum  fuit,  neque  usquam  legimus,  divinitus  praescriptum  postea  fuisse,  ut  unus  quispiam  toti  ecclesiae  praeesset.  Ut  hoc  quoque  secundo  illis  -demus,  ius  et  honorem  Pontificis  ad  romanum  episcopum  translatum  esse,  videndum  quid  sacerdotibus  profuerit,  quod  Caiphae  vaticinium  amplexi  sunt.  Ut  subscribant  illius  sententiae,  conspirant  in  mortem  Christi.  Procul  vero  a  nobis  facessat  talis  obedientia,  quae  nos  ad  horribilem  apostasiam  filium  Dei  abnegando  impellat.  Eadem  voce  blasphemat  et  simul  prophetat  Caiphas:  qui  eius  dicto  obsequuntur,  contempta  prophetia  blasphemiam  arripiunt.  Idem  ne  contingat  nobis  cavendum,  si  romanum  Caipham  audierimus:  alioqui  similitudo  claudicaret.  Quaero  praeterea  an,  quia  semel  prophetavit  Caiphas,  singula  pontificis  verba  totidem  semper  sint  prophetiae.  Atqui  paulo  post  summum  ac  praecipuum  fidei  nostrae  caput  blasphemiae  damnavit:  unde  colligimus  quod  nunc  evangelista  refert,  extraordinarium  fuisse  ac  praepostere  in  exemplum  trahi.  51.  Quod  Iesus  moriturus  esset.  Primo,  salutis  nostrae  summam  in  eo  consistere  evangelista  osten-  18