[SEARCH HOME] | [CONTENTS] | [기독교강요 라틴어-영어 문장별 대조본] | [원문칼빈전집안드로이드앱]

IOANNIS CALVINI OPERA QUAE SUPERSUNT OMNIA
volume column dictionary *for dictionary, click or touch the word
[Pre] [Next] [Original Text Jpg]


29:274  dieque  versemus,  ut  ad  eius  normam  vitam  omnem  exigamus.  HOMILIA  QUARTA.  18.  Et  abiit  mulier  in  viam  suam,  et  comedit,  et  irata  facies  non  erat  amplius  ei.  19.  Quumque  surgentes  mane  incurvavissent  se  coram  Iehova,  et  revertentes  pervenissent  domum  suam  Bamam,  cognovit  Elcana  Annam  uxorem  suam:  et  Iehova  recordatus  est  eius.  2Q.  Fuit  enim  post  revolutiones  temporis  ex  quo  concepit  Anna,  ut  pareret  filium  :  vocavitque  nomen  eius  ScMmuelem:  Nam,  inquit,  a  Iehova  petivi  illum.  21.  Deinde  adscendente  ipso  viro  Elcana  cum  tota  familia  sua  ad  sacrificandum  Iehovae  sacrificium  illud  anniversarium,  et  votum  suum  persolvendum,  22.  Anna  non  adscendit:  dicebat  enim  viro  suo,  differendum  donec  educatus  fuerit  puer  iste:  tunc  adducam  eum  ut  comparens  in  conspectu  Iehovae,  maneat  ibi  usque  in  saeculum.  23.  Cui  dixit  Elcana  vir  eius,  fac  quod  bonum  videtur  in  oculis  tuis,  mane  donec  educaveris  eum  :  tantummodo  praestet  Iehova  verbum  suum.  Sic  mansit  mulier  illa  ut  lactaret  filium  suum,  donec  educasset  eum.  24.  Deinde  abduxit  eum  secum,  postquam  educavit  eum,  cum  iuvencis  tribus  et  epha  uno  farinae,  ei  utre  vini:  introduxitque  eum  in  domum  Iehovae  Schilunte:  puer  autem  erat  admodum  puer.  25.  Mactaveruntque  iuvencum,  quum  adducerent  puerum  ad  Helin.  26.  Cui  dixit  Anna,  attende  ad  me,  Domine  mi,  ut  vivit  anima  tua:  Domine  mi,  sum  mulier  quae  stabat  tecum  hic  supplicando  Iehovam.  27.  Pro  puero  isto  supplicabam:  praestititque  mihi  Iehova  petitionem  meam  quam  petebam  ab  eo.  28.  Quamobrem  ego  quoque  commodatum  restituo  eum  Iehovae  omnibus  diebus  quibus  fuerit,  ipse  commodatus  est  Iehovae:  incurvavitque  se  Schemuel  ibi  Iehovae.  Nisi  Anna  probe  cognitum  habuisset  singulare  Dei  donum  esse  propagationem  sobolis,  minime  sane  tanta  cum  animi  vehementia  quanta  audivimus,  preces  apud  Deum  fudisset.  Sed  vulgata  satis  erat  ea  doctrina  apud  Israelitas,  quam  lex  ipsa  docebat,  et  patrum  exempla  confirmabant  :  quos  etiam  Deum  esse  pro  suscipiendis  liberis  precatos  sacra  scriptura  docet.  Ita  videmus  Isaacum  Deum  interpellare  precibus,  ut  uxoris  uterum,  quae  sterilis  erat,  aperiret  :  atque  a  Deo  fuisse  exauditum.  Iacobus  vero  Rachelem,  importune  liberos  a  se  marito  flagitantem  graviter  reprehendit,  docens  sic  ab  hominibus  generari  liberos,  ut  a  Dei  bonitate  vis  illa  tota  dependeat:  neque  omnibus  esse  prolis  suscipiendae  vim  insitam.  Quare  hoc  esto  axioma  et  regula,  ut  quicumque  liberos  genuerunt,  Deum  re  18  

[Pre] [Next]


Copyright ⓒ 2018 In Hyuk Lee. All rights reserved. http://blog.naver.com/isaaci