15:274  bilire  Schuermerismum.  Certe  tales  omnes,  dum  viveret  adhuc,  anathemate  percussit.  Ergo  quum  nimis  barbara  et  significativa  sint  eius  scripta,  ne  Lutherani  et  ipsi  barbari  homines  et  ad  conviciandum.  mirifice  appositi,  te  et  nos  omnes  apertae  improbitatis  et  impudentiae  accusent  et  convincant,  suademus,  ut  ista  omnia,  quae  incipiunt  ab  his  verbis:  Quanta  vehementia  causam  hanc  egerit  Lutherus  ete.  ete.  3)  usque  ad  ea  verba  quae  sequuntur  :  Quaeritur  quaenam  sacramentorum  efficacia  sit  etc.  etc.4)  expungas  atque  omittas:  quum  et  in  Consensione  nulla  sit  facta  D.  Lutheri  mentio.  Si  vero  alias  huius  viri  honorifica  fiat  mentio,  quae  non  possit  rapi  in  accusationem  iustam,  non  iniquos  ea  in  re  nos  exhibebimus.  Nescis  fortassis,  care  frater,  quam  crasse  et  barbare  D.  Lutherus  de  hoc  spirituali  epulo  senserit  et  scripserit.  Neque  enim  libros  eius  vel  legere  vel  intelligere  potuisti,  quum  huius  generis  pleraque  germanice  scripserit.  Existimas  forte,  sic  illum  sensisse,  ut  quidam  viri  boni  pacisque  amantes  illius  verba  interpretati  sunt,  ac  extra  contentionem  ipsum  sensisse  asseveraverunt.  Caeterum  certissimum  est  Lutherum  longe  crassius  sensisse  quam  isti  fingant  et  crassitiem  illam  editis  scriptis  sic  ursisse  improbe,  ut  nulla  possint  commoda  expositione  moderari.  Fecit  hoc  non  tantum  in  certaminis  principio,  sed  etiam  in  medio  et  fine.  Id  quod  non  sine  dolore  commemoramus.  Semper  enim  illi  meliorem  optavimus  sortem,  ut  qui  agnoscimus  multa  huius  viri  merita  beneficiaque  exhibita  ecclesiae  Dei.  Dolemus  serio  istum  omnes  medicandi  rationes  pertinacissime  praescidisse.  Mira  haec  tibi  videntur,  sat  scimus,  quia  libros  eius  germanicos  nunquam  legisti.  Ne  ergo  ignores  quae  in  hac  causa  inprimis  novisse  utilissimum  fuerit,  certos  aliquot  eius  locos  recitabimus,  ita  ut  summam  fideliter  reddamus,  folium  vero  interim  assignemus  ut,  si  ita  libeat,  germanicae  linguae  peritum  interpretem  adhibeas,  qui  tibi  verbum  verbo  reddat  Si  vero  libris  istis  cares,  nos  habemus  tibique  libenter  mutuo  dabimus.  Contra  coelestes  Prophetas  1525.  (A.  3  facie  5.)  Ita  includit  implicatque  elementis  Dei  gratiam  et  spiritum  sanctum  ut  diserte  dicat:  Deum  conclusisse  nemini  se  prorsus  velle  dare  interna  dona  sine  verbo  et  sacramentis,  vel  nonnisi  per  illa,  ita  ut  qui  careat  externis,  iam  etiam  internis  destituatur.  Contra  phanaticos  spiritus:  (C.  1  facie  2:)  Docemus  et  credimus,  quod  in  coena  vere  et  corporaliter  Christi  corpus  editur  ac  in  nos  ipsos  percipitur.  Quomodo  autem  hoc  fiat,  aut  quomodo  corpus  sit  in  pane,  id  vero  ignoramus  neque  scire  debemus.  3)  ibid.  p.  17  4)  ibid.  p.  19