10.1:274  tissime  id  faciunt.  De  ethnicis  non  loquor,  qui  palam  adversantur  ecclesiae  et  religioni  christianae.  De  iis  loquor,  qui  sese  cum  ea  consentire  profitentur.  Quanquam  nec  illud  novum  sit.  Ut  enim  olim  prophetae  et  apostoli  nullas  experti  linguas  magis  virulentas  quam  hypocritarum  suae  nationis,  qui  quum  gloriarentur  populi  Dei  nomine,  [pag.  5J  ferre  tamen  non  poterant  doctrinam  veram,  qua  peccati  et  erroris  arguerentur:  sic  quoque  nunc  qui  adversus  Christianos  gravissimo  odio,  vel  rabie  potius  ardent,  ii  sunt,  qui  quum  simulent  aliquem  cum  ecclesia  consensum,  manifestos  tamen  abusus  et  verbo  Dei  plane  repugnantes,  volunt  tueri:  proptereaque  ferre  nequeunt,  ut  ulla  reformationis  mentio  fiat.  Itaque,  si  quis  ea  pietate  et  zelo  esse  videatur,  ut  in  meliorem  statum  restitui  velit  quod  vitiatum  est:  mox  ab  iis  tantum  non  discerpitur,  multo  certe  atrocius,  quam  si  multorum  criminum  capitalium  reus  esset.  Neque  vero,  ut  paulo  ante  dixi,  hos  homines  pudet,  vel  improbissime  quidvis  fingere,  quod  ne  ullo  quidem  colore  tegere  possint,  modo  quo  iure,  qua  iniuria,  innocentem  opprimant.  Possem  huius  generis  plurima,  quae  plus  satis  vulgata  sunt,  exempla  commemorare.  Sed  si  tua  maiestas,  Caesar,  intelligere  voluerit  et  dispicere,  quid  in  hac  mea  causa  verum  sit:  quum  ex  uno  facile  omnes  discere  poterit,  tum  exemplum,  quod  multorum  loco  sit,  in  ea  deprehendere.  Equidem  quod  ad  me  attinet,  aequo  animo  ferre  debeo,  si  id  nunc  patiar,  quod  omnes  olim  tum  prophetae  tum  apostoli  perpessi  sunt.  Neque  enim  par  est,  meliori  ut  sim  conditione,  [pag.  6]  Sed  illud  tamen  me  praecipue  consolatur,  quod  filium  Dei,  Dominum  et  redemptorem  nostrum,  quasi  ducem  praeeuntem  hic  quoque  sequar.  Nimis  enim  tener  fuero  si  in  huius  comitatu  esse  unus  recusem.  Nam  et  monentem  apostolum  audio,  in  hac  nobis  vita  progrediendum  esse,  modo  per  nomen  bonum,  modo  per  infamiam.  Occurrit  praeterea  Mosis  exemplum,  ut  non  exhorream  opprobria  populi  Dei.  Inprimis  exhortationem  illam  audio,  ut  ducem  nostrum  imitemur,  ad  ignominiam  usque  crucis.  Pos-  18