9:273  273  CALUMNIAE  NEBULONIS  CUIUSDAM  ADVERSUS  DOCTRINAM  IOHANNIS  CALVINI  DE  OCCULTA  DEI  PROVIDENTIA.  Habet  omnino  doctrina  tua  fautores  multos,  Iohannes  Calvine,  vir  paene  toto  mundo  celeberrime,  sed  habet  eadem  etiam  adversarios  multos.  Ego  vero  qui  cupio  unam  esse  doctrinam,  sicut  est  una  veritas}  et  omnes  in  eandem  consentire,  si  fieri  potest,  putavi  te  admonendum  esse  familiariter  de  iis  quae  contra  doctrinam  tuam  dictitantur,  ut  si  falsa  sunt  refutes,  et  ad  nos  refutationem  mittas,  quo  possimus  adversus  eos  consistere:  idque  facias  eiusmodi  rationibus  quae  possint  a  populo  intelligi.  Sunt  autem  multa  in  quibus  a  te  dissentiunt  multi  :  sed  ego  in  praesentia,  caeteris  in  aliud  tempus  omissis,  agam  tecum  de  uno  argumento  Fati  sive  Praedestinationis:  quoniam  et  hic  articulus  magnas  turbas  excitat  in  ecclesia,  quas  nos  exstincias  cupimus:  et  adversariorum  argumenta  videntur  inhoc  argumento  esse  talia,  ut  nondum  refelli  possint  ex  libris  quos  tu  hactenus  publicasti.  Circumferuntur  autem  super  hoc  argumento  certi  articuli  ex  tuis  libris  decerpti,  quos  ego  hic  ordine  tumultuario  ponam,  deinde  quae  adversus  unumquemque  dici  soleant,  subiiciam,  ut  tu  videas  ad  quae  respondendum  sit.  ARTICULI  DECERPTI  EX  LIBRIS  TUM  LATINIS  TUM  GALLICIS  IOHANNIS  CALVINI  DE  PRAEDESTINATIONE.  I.  Deus  maximam  mundi  partem  nudo  puroque  voluntatis  suae  arbitrio  creavit  ad  perditionem.  II.  Deus  non  solum  praedestinavit  ad  damnationem,  sed  et  ad  causas  damnationis  et  Adamum,  cuius  non  modo  praevidit  lapsum,  sed  voluit  decreto  aeterno  et  occulto,  ordinavitque  ut  laberetur:  quod  ut  suo  tempore  fieret,  lapsus  causa  pomum  proposuit.  Calvini  opera.  Vol.  IX.  III.