7:273  273  CUM  SCHOLIIS.  274  Sequuntur  huius  impietatis  successores,  sed  per  intervalla,  multi  alii  imperatores,  (29)  quales  fuere  Mauritius,  (30)  Constans  secundus  Iustiniani  Constantini  Pogonati  filius,  Philippus,  Leo.  Sed  hos  numerare  longum  esset,  qui  diverso  quidem  genere  mortis,  sed  omnes  aut  violento,  aut  ignominioso  spoliati  antea  imperio  et  omni  dignitate  perierunt,  ut  manifeste  appareat  [pag.  25]  in  eis  ultrix  inobedientiae  vindicta  divina.  (31)  Quae  series  usque  ad  Henricum  illum  perduci  posset,  qui  quum  gravissime  sedem  apostolicam  vexasset,  tandem  eum  a  suo  filio  captum  Leodii  ultio  divina  in  carcere  mori  fecit:  iustissimam  quidem  inobedientiae  poenam  ab  ipso  repetens,  ut  a  filio  castigaretur,  qui  eum,  quem  patris  loco  divina  ei  providentia  in  ecclesia  constituerat,  tot  modis  vexaverat,  eiusque  autoritatem  neglexerat  (32)  Id  quod  et  de  Friderico  secundo  dici  potest,  nisi  quod  infeliciori  mortis  genere  est  sublatus,  qui  filio  suo  ipso  carnificis  munere  fungente,  strangulatus  interiit.  Tametsi  Deus  non  semper  hoc  modo  rebelles  castigare  soleat,  quandoquidem  nonnullos  sic  desideriis  suis  frui  permittat,  ut,  quod  ad  externam  castigationem  attinet,  impune  peccare,  et  in  magna  [pag.  26]  rerum  omnium  affluentia  quasi  felices  vivere  videantur.  Id  ea  ratione  factum  a  divina  providentia  sancti  patres  pie  existimarunt,  ne  si  omnes  hic  impii  castigarentur,  nullum  aliud  tribunal  divinae  iustitiae  reliquum  esse  hommes  iudicarent.  Quosdam  ergo  hic  in  aliorum  exemplum  Deus,  ut  iustus  agnoscatur,  aperte  castigat:  quosdam  vero  dum  hic  castigare  dissimulat,  ad  tribunal  suum  futurum  severius  iudicandos  reservat.  Nullum  vero  peccatum  impunitum  dimittit  divina  iustitia.  Ea  autem  omnium  est  gravissima  castigatio,  quum  ii  qui  Deum  gravissime  offendunt,  impune  id  se  facere  existimant.  Omnes  enim  tales  caecitate  mentis  sunt  percussi,  29)  Mauritius  iam  senex,  quum  annis  viginti  imperium  administrasset,  a  Phoca  milite  suo  per  insidias  et  summam  perfidiam  sublatus  fuit.  Hanc  fuisse  contemptae  sedis  romanae  poenam  interpretatur  Frenesius,  quasi  Dei  consilio  tunc  interfuerit.  Utinam  quidem  se  non  immiscuisset  [pag.  65]  placidus  alioqui  et  quietus  princeps  pravis  episcoporum  factionibus,  aut  reprimere  Ioannis  ambitionem,  quam  fovere  maluisset.  Verum  quid  tunc  petebat  Gregorius,  quam  ne  permitteret  Mauritius,  unum  aliquem  censeri  universalem  episcopum,  quia  esset  hic  titulus,  ut  loquitur,  nefarius,  scelestus,  profanus,  abominabilis,  et  Antichristi  praenuntius?  Sed  ut  hoc  quoque  omittam,  quaenam  ista  est  Frenesii  aequitas  principem  scelerate  occisum  damnare,  quia  sedi  romanae  se  obsequentem  non  praebuerit,  et  laudibus  vehere  parricidam,  qui  in  dominum  optime  de  se  meritum  gladium  strinxerit,  qui  ad  imperium  per  talem  perfidiam,  ac  tantum  nefas  pervenerit,  quia  ad  ornandum  romanum  idolum,  et  evehendam  eius  potentiam  fuerit  propensior?  Quanquam  quid  aliud  spectabat  Phocas  omnia  romanae  sedi  largiendo,  nisi  ut  hac  quasi  nefaria  pactione  romanae  urbis  favorem  emeret,  quod  se  Graecis  sciebat  esse  suo  merito  infestum?  30)  Mirum  est,  in  tam  pingui  mercede  non  esse  Frenesio  doctiores  scribas.  Quanta  enim  historiarum  inscitia  est,  primum  in  nominibus  turpiter  labi,  et  ex  Iustiniano  facere  Constantem:  deinde,  quum  omnes  fere  graeci  imperatores  in  [pag.  66]  eadem  fuerint  causa,  pauculos  hic  nominare?  Nisi  hoc  forsan  arte  faciat,  quia  poenam,  quae  pro  terriculamento  esset,  invenire  in  aliis  non  poterat.  31)  Henrichi  vitia,  quibus  laboravit,  hic  excusare  nihil  attinet.  Quae  autem  fuerint  contentionum  inter  ipsum  et  Hildebrandum  semina  si  quis  quaerat,  et  qualiter  depugnatae  fuerint,  reperiet  profecto,  Hildebrandum  hominem  vafri  et  malitiosi  Calvim  opera.  Vol  VIL