6:273  DE  LIBERO  ARBITRIO.  Sane  si  ita  scripturas  sursum  deorsum  versare  liceat,  iam  Pighio  concedo  quod  postulat,  alibi  quaerendam  esse  certam  fidei  regulam.  Ac  videtur  mihi  de  industria  specimen  voluisse  edere  eius,  quod  dicebat:  nihil  propemodum  esse  in  scriptura,  quod  non  haeretici  sua  malitia  pervertant.  Sed  ex  adverso  efficiam,  non  sic  patere,  obnoxiamque  esse  eorum  ludibriis  Dei  veritatem,  quin  ab  illis  fortiter  vindicari  queat.  Possunt  solem  ad  tempus  obumbiare  nebulae:  sed  eius  fulgorem  neque  exstinguere,  neque  suffocare  possunt,  quin  tandem  exsuperet.  Corpus  pro  ecclesia  hoc  loco  sumit.  At  evangelista  πτῶμα  habet  (Matth.  24,  28),  quod  Graecis  cadaver  significat.  Facilis  autem  et  obvius  est  cuilibet  parabolae  sensus  :  quod  sicut  ad  cadaver  unum  solent  complures  aquilae  convolare,  ita  ad  unum  Christum  undique  electi  se  omnes  recipient.  Ergo  se  ipsum  Christus  vinculum  unitatis  facit,  non  hominum  consensum,  vel  multitudinem.  Nunc  expendant  lectores,  quam  fidelis  sit  interpres  Pighius.  Christus  de  cadavere  loquitur:  cui  se  ideo  comparat,  quod  electis  suis  causa  est,  ut  in  unum  conveniant,  et  simul  ad  eum  colligantur:  ille  corpus  ecclesiae  imaginatur.  Christus  aquilas  nominat,  perinde  ac  si  nos  vulgari  more  nostro  diceremus  corvos:  ille  argutiolam  comminiscitur,  ut  ad  veteres  ecclesiae  doctores  referat.  Applicatio  parabolae  haec  est.  Ubi  erit  Christus,  illuc  confluent  ex  toto  mundo  electi  omnes.  Ille  prorsus  diverso  modo:  ubi  erunt  aquilae,  illuc  nos  oportere  congregari.  Si  putat  adeo  futilibus  commentis,  non  modo  obrui,  sed  penitus  tolli  ex  hominum  mente  et  cordibus  omnem  scripturae  certitudinem,  est  cur  eius  stultitiam  pueri  quoque  ipsi  derideant.  Quanta  vero  sit  ecclesiasticae  traditionis  autoritas,  Pauli  testimonio  ostendit:  ubi  anathema  et  hominibus  et  angelis  denunciat,  qui  ausi  fuerint  aliquid  praedicare,  praeter  evangelium,  quod  semel  Galatis  tradiderat  (Gal.  1,8).  [pag.  57]  Fuisse  hanc  traditionem  contendit,  quia  non  de  scriptis  loquatur,  sed  viva  voce.  Dicam  breviter  de  hac  re,  absque  ulla  contentionis  specie,  quod  satis  faciat  bonis  omnibus,  improbis  os  obstruat.  Legem  initio  dedit  Dominus,  in  qua  voluntatis  suae  testimonium  populus  israeliticus  haberet.  Accessit  deinde  non  diversa  aut  nova,  sed  amplior  ac  luculentior  doctrina  ex  prophetis.  Proinde  ante  prophetas  sola  lex  autoritatem  indubiam  habebat,  ut  pro  verbo  Dei  reciperetur.  Postea  usque  dum  mundo  exhiberetur  Christus,  lege  et  prophetiis  continebatur  scriptura.  Sic  videmus  a  Christo  et  apostolis,  Moysen  et  prophetas  citari,  velut  classicos  testes  quorum  scripta,  non  secus  ac  publicae  tabulae,  in  populo  Dei  sine  controversia  agnoscerentur.  Apostoli  viva  voce  primum  testati  sunt,  quod  sibi  mandatum  erat.  Deinde  sic  visum  est  Domino,  ut  summa  praedicationis  eo-  Calvini  opera.  Vol.  VI.