55:273  273  CAPUT  IV.  274  esse  in  urbe,  quia  quae  illic  aguntur  non  cognoscat.  Caeterum  hoc  loco  munit  Petrus  fideles,  ne  perversis  impiorum  iudiciis  vel  sermonibus  turbari  se  vel  corrumpi  sinant.  Est  enim  haec  non  levis  tentatio,  quum  ii,  inter  quos  versamur,  vitam  nostram  insimulant  quasi  a  communi  humanitate  abhorrentem.  Istis,  inquiunt,  fabricandus  esset  novus  mundus,  quoniam  ita  ab  humano  genere  dissident.  Ita  filios  Dei  accusant,  quasi  orbis  divortium  moliantur.  Praevenit  ergo  apostolus,  ac  fideles  vetat  talibus  probris  vel  calumniis  frangi.  Fulturam  autem  illis  proponit,  Dei  iudicium.  Hoc  enim  est  quod  nos  contra  omnes  insultus  sustinet,  quum  diem  illum  patienter  exspectamus,  quo  vindicabit  Christus  eos  omnes  qui  nunc  temere  nos  damnant:  sibique  nos  ac  causam  nostram  probari  ostendet.  Dicit  autem  nominatim  vivos  ac  mortuos:  ne  quid  putemus  nos  damni  pati,  si  morientibus  nobis  maneant  illi  superstites:  quia  non  propterea  manum  Dei  effugient.  Porro  quo  sensu  vivos  et  mortuos  dicat,  discere  licebit  ex  15.  prioris  ad  Corinth,  cap.  6.  In  hoc  enim  et  mortuis  evangelizatus  fuit%  ut  iudicentur  quidem  secundum  homines  carne,  vivant  autem  secundum  Deum  spiritu.  7.  Porro  omnium  finis  propinquus  est,  sobrii  itaque  estote,  et  vigilantes  ad  precandum.  8.  Ante  omnia  vero  caritatem  inter  vos  intentam  habentes:  quia  caritas  operiet  multitudinem  peccatorum.  9.  Invicem  hospitales  sine  murmurationibus.  10.  Ut  quisque  accepit  donum  ministrantes  illud  inter  vos,  tanquam  boni  dispensatores  multiplicis  gratiae  Dei.  ll.  Si  quis  loquitur,  loquatur  tanquam  eloquia  Dei:  si  quis  ministrat,  tanquam  ex  virtute  quam  suppeditat  Deus:  ut  in  omnibus  glorificetur  Deus  per  Iesum  Christum:  cui  est  gloria  et  imperium  in  saecula  saeculorum.  Amen.  6.  Mortuis  evangelizatus.  Videmus  in  quem  sensum  accommodet  superiorem  sententiam,  quam  capite  3,  habuimus:  nempe  mortem  nihil  obstare  quin  Christus  semper  nihilominus  sit  vindex  noster.  Insignis  itaque  est  piorum  consolatio,  quod  eorum  saluti  mors  nihil  affert  iacturae.  Ergo  utcunque  in  hac  vita  non  appareat  Christus  liberator,  non  tamen  inanis  est  aut  irrita  eius  redemptio:  quia  ad  mortuos  usque  extenditur  eius  virtus.  Caeterum  quod  graeca  vox  ambigua  est,  tam  in  masculino  genere  quam  in  neutro  verti  potest,  sed  eodem  fere  sensu:  nempe  quod  Christus  mortuis  patefactus  fuerit  redemptor:  vel  quod  illis  salus  per  evangelium  patefacta  fuerit  Quod  si  gratia  Christi  semel  penetravit  ad  mortuos,  non  dubium  est  quin  eam  a  morte  quoque  sensuri  simus.  Itaque  nimis  angustos  limites  illi  statuimus,  si  restringimus  ad  praesentem  vitam.  Calvini  opera.  Vol.  LV.