51:273  273  SUR  L'EPITRE  AUX  EPHESIENS.  274  profiter  et  nous  avancer  de  plus  en  plus,  scachant  qu'il  y  a  tousiours  beaucoup  a  redire  en  nous.  Oar  ceux  qui  imaginent  quelque  perfection,  sont  comme  ensorcelez  d'hypocrisie  et  d'orgueil,  ou  bien  ils  n'ont  nul  sentiment  ni  crainte  de  Dieu  en  eux,  mais  se  moquent  pleinement.  Car  celuy  qui  s'examine,  trouvera  tousiours  tant  de  vices,  qu'il  sera  confus,  apres  s'estre  bien  cognu.  Ceux  donc  qui  disent  que  nous  pouvons  advenir  a  quelque  perfection  cependant  que  nous  habitons  en  ce  corps  mortel,  monstrent  assez  ou  qu'il  y  a  un  orgueil  diabolique  qui  les  aveugle  du  tout,  ou  bien  qu'ils  sont  gens  profanes,  sans  aucune  religion  ne  piete.  De  nostre  part,  notons  (comme  i'ay  desia  touche)  que  Dieu  nous  a  eleus,  a  fin  que  nous  soyons  irreprehensibles  :  non  pas  que  nous  le  puissions  estre  iusques  a  ce  que  nous  soyons  despouillez  de  toutes  nos  infirmitez,  et  que  nous  serons  sortis  de  ceste  prison  de  peche,  en  laquelle  maintenant  nous  sommes  detenus.  Et  ainsi,  quand  nous  sentirons  des  vices  en  nous,  bataillons  hardiment  a  l'encontre,  et  ne  perdons  point  courage,  comme  si  nous  n'estions  point  enfans  de  Dieu,  a  cause  que  nous  ne  sommes  point  encores  irreprehensibles  devant  luy,  et  que  plustost  les  pechez  se  monstrent  devant  nos  yeux,  qui]  nous  rendent  coulpables.  Combien  donc  que  nous  sentions  tant  de  povretez  qui  nous  esgarent,  ne  laissons  pas  de  cheminer  tousiours,  scachant  que  tant  que  nous  vivrons  en  ceste  terre  basse,  nous  avons  tousiours  nostre  chemin  a  faire,  et  qu'il  nous  faut  avancer,  et  que  nous  ne  sommes  pas  encores  parvenus  a  nostre  but  :  voila  comme  les  fideles  se  doyvent  animer  et  fortifier,  combien  qu'ils  ne  soyent  pas  parfaits.  Et  cependant  aussi  que  cela  nous  donne  occasion  de  gemir  et  souspirer  sous  le  fardeau  que  nous  devans  sentir.  Car  la  perfection  des  fideles  et  des  enfans  de  Dieu,  c'est  de  cognoistre  combien  ils  sont  encores  debiles,  non  seulement  pour  prier  Dieu  qu'il  corrige  tous  leurs  defauts,  mais  qu'il  les  supporte  par  sa  bonte  infinie,  et  qu'il  ne  les  appelle  point  a  conte  en  rigueur  extreme.  Voila  donc  ou  il  nous  faut  avoir  nostre  refuge,  c'est  a  la  misericorde  de  Dieu,  par  laquelle  il  couvre  et  ensevelit  tous  nos  pechez,  d'autant  que  nous  n'avons  pas  encores  atteint  le  but  auquel  il  nous  appelle,  c'est  a  scavoir  a  une  vie  saincte  et  irreprehensible.  Mais  quoy  qu'il  en  soit,  que  nous  marchions  tousiours,  gardans  bien  de  nous  desbaucher  du  bon  chemin.  Si  ce  mot  de  Charite  se  rapporte  aux  hommes,  sainct  Paul  a  voulu  noter  quelle  est  la  vraye  iustice  des  Chrestiens,  e'est  a  scavoir  de  cheminer  en  loyaute  et  droiture.  Car  nous  scavons  que  les  hypocrites  voudront  tousiours  appaiser  Dieu  de  ceremonies  et  de  fanfares  (comme  on  dit).  Cependant  les  uns  seront  addonnez  a  rapines,  pleins  d'envie,  de  malice,  de  cruaute,  de  trahison  :  les  autres  seront  des  yvrongnes,  les  Cctimni  opera.  Vol  LL