50:273  273  PREMIER  SERMON.  GALATES.  Chap.  I  v.  1.5.  Ce  n'est  point  sans  cause  que  nous  sommes  admonestez  si  songneusement  par  S.  Pierre  do  veiller  contre  nostre  ennemi  qui  est  comme  un  lion  bruyant,  et  circuit,  ayant  tousiours  la  gueule  ouverte  pour  engloutir  la  proye  qu'il  trouvera.  Car  combien  que  d'un  coste  nostre  Seigneur  Iesus  Christ  nous  asseure  que  nous  luy  sommes  donnez  en  charge  de  Dieu  son  Pere,  et  que  ce  qu'il  a  en  garde  ne  perira  iamais,  toutesfois  cela  n'est  point  pour  nous  endormir,  que  cependant  nous  n'ayons  soin  d'invoquer  Dieu,  cognoissant  le  besoin  que  nous  en  avons.  Car  la  foy  nous  asseure  tellement  de  la  bonte  de  Dieu,  et  que  iamais  elle  ne  nous  defaudra,  que  cependant  si  faut-il  que  nous  regardions  a  nostre  fragilite,  et  que  cela  nous  incite  a  prier  Dieu  qu'il  nous  donne  constance  invincible.  Il  est  dit  que  la  foy  sera  tousiours  victorieuse  pardessus  tout  le  monde;  mais  ce  n'est  point  que  nous  n'ayons  a  combatre.  Or  de  nostre  coste  nous  n'avons  nulle  vertu,  il  faut  que  nous  l'empruntions  d'ailleurs:  et  pour  ce  faire  nous  avons  a  prier  Dieu.  Car  (comme  i'ay  desia  dit)  il  faut  bien  que  nous  soyons  solicitez  pour  le  besoin  que  nous  en  avons.  Et  pour  ceste  cause  il  y  a  ici  un  miroir  presente  a  tous  fideles  qui  nous  sera  bien  utile,  moyennant  que  nous  en  facions  nostre  profit.  Car  sainct  Paul  avoit  presche  par  tout  le  pays  des  Galates,  qui  estoit  une  region  assez  grande:  la  il  avoit  edifie  plusieurs  Eglises.  Si  iamais  il  y  a  eu  un  homme  rempli  de  toutes  graces  de  l'Esprit  de  Dieu,  pour  gagner  des  peuples  a  l'Evangile,  nous  scavons  que  sainct  Paul  a  este  excellent,  voire  par  dessus  les  autres,  ou  pour  le  moins  en  toute  sa  compagnie.  Or  il  est  bien  certain  qu'il  s'estoit  acquitte  de  son  devoir.  Cependant  a  grand'  peine  a-il  les  talons  tournez,  que  voila  Satan  qui  tasche  a  ruiner  tout,  et  a  mettre  une  desolation  horrible  en  tous  ces  pays  la,  et  gaigne  une  si  grande  multitude,  que  l'Evangile  est  la  quasi  du  tout  aneanti  entre  ceux  qui  avoyent  este  si  fidelement  enseignez.  Quand  nous  voyons  un  tel  exemple,  ne  devons  nous  point  baisser  les  yeux  et  cognoistre  que  Dieu  Calvini  opera.  Vol.  L