41:273  273  IN  DANIELEM.  CAP.  XI.  274  efferrent  proprias  suas  virtutes  et  fingerent  pro  sua  libidine  quoslibet  deos.  Omitto  quod  dicit  Plutarchus.  Neque  enim  puto  ad  praesentem  locum  spectare.  In  Problematis  dicit  nefas  fuisse  proferre  nomen  dei,  in  cuius  patrocinio  et  tutela  erat  romana  civitas,  et  dicit  Valerium  Soranum  evanuisse,  quoniam  effutiverat  nomen  illius  dei,  sive,  inquit,  masculus  sit,  sive  femina,  haec  enim  sunt  eius  verba.  Et  addit  rationem,  quod  scilicet  magicis  incantationibus  uti  solerent  in  colendo  illo  deo,  quisquis  fuerit.  Scimus  bonam  deam  apud  ipsos  fuisse  in  praecipuo  honore.  Quaenam  fuerit  illa  dea,  incognitum  erat  viris:  mulieres  tantum  ingrediebantur  summi  pontificis  domum,  et  illic  colebant  sua  orgia.  Et  in  quem  finem?  Quaenam  ilia  erat  bona  dea?  Nempe  semper  erat  deus  Maozim,,  hoc  est,  deus  fortitudinum,  quia  nullus  erat  deus  Romanis,  nisi  penes  ipsos:  ita  ut  sibi  erigerent  altaria,  et  immolarent  omnes  victimas  suae  felicitati  et  fortunae,  et  hoc  modo  obstringerent  suo  imperio  deos  ipsos,,  quibus  in  speciem  et  fallaciter  tribuebant  aliquid  honoris.  Nihil  ergo  in  his  verbis  coactum  est,  ubi  dicit  angelus,  Non  intelliget  ad  deos  patrum  suorum,  id  est,  non  sequetur  usitatum  omnium  gentium  morem,  ut  retineat  superstitiosos  cultus  errore  et  inscitia.  Nam  Graeci  quantumvis  acuti  essent,  tamen  non  audebant  quidquam  movere  in  religione  aut  verba  facere.  Scimus  enim  hoc  fuisse  illis  fixum,  colendos  esse  deos,  qui  a  maioribus  essent  traditi.  Romani  autem  ausi  sunt  non  modo  libere,  sed  etiam  petulanter  conspuere  adversus  omnes  religiones,  et  inducere,  quantum  in  se  erat,  atheismon.  Ideo  dicit  angelus  non  fore  attentos  ad  deum  patrum  suorum.  Quare?  Nam  se  ipsos  respicient,  et  nulla  erit  deitas,  nisi  in  fiducia  propriae  fortitudinis.  Quantum  ad  desiderium  mulierum  spectat,  sic  interpretor,  per  synecdochen  hic  notari  barbaros  illorum  mores.  Nam  amor  mulierum  in  scriptura  accipitur  pro  singulari  amore.  Deus  enim  indidit  hunc  affectum  et  viris  et  mulieribus,  ut  quamdiu  retinent  aliquam  guttam  humanitatis,  maneant  etiam  inter  se  coniuncti.  Unde  etiam  dicitur  David  dilexisse  Ionathan  supra  amorem  mulierum,  vel  prae  amore  mulierum  (2.  Sam.  1,  26).  Illic  non  certe  perstringitur  foedus,  aut  turpis  amor  Davidis  erga  Ionathan.  Scimus  enim  quam  caste  illum  amplexus  fuerit,  sed  amor  mulierum  quemadmodum  dixi  xat'  ifyyty,  id  est,  per  excellentiam  ponitur  pro  amore  eximio.  Quum  igitur  Deus  in  natura  et  in  societate  humani  generis  instituerit  hoc  acerrimum  amoris  vinculum  inter  coniuges,  non  mirum  est,  si  per  synecdochen  tota  humanitas  et  eius  officia  comprehenduntur  sub  hac  voce.  Perinde  igitur  est  ac  si  diceret  angelus,  regem  hunc  de  quo  vaticinatur  fore  impium  et  sacrilegum,  ut  omnes  deos  contemnere  audeat:  deinde  fore  immanem,  ita  ut  nullum  caritatis  officium  cu-  Calvini  opera.  Vol.  XLI.