25:273  273  REDITUS  AD  HISTORIAM.  274  fuit  quod  reprobis  saepe  denunciat  scriptura,  ut  spiritu  vertiginis  et  amentiae  percussus  nihil  cerneret.  Diximus,  quamvis  natura  invisibiles  sint  angeli,  corpora  tamen,  quoties  ita  Deo  visum  est,  induere,  et  suscipere  humanas  actiones.  Quis  angelum  gladio  armavit?  nempe  qui  ex  nihilo  creavit  omnia.  Si  quis  curiosus  ultra  pergat,  et  interroget  ex  qua  materia  fuerit  fabrefactus:  contraria  quaestione  eius  stultitiam  refellere  promptum  erit,  utrumne  mortali  homini  facilius  sit  quam  Deo  ferrum  et  chalybem  in  diversos  usus  aptare.  Et  fieri  potest  ut  gladii  fulgor  apparuerit,  sicuti  Cherubim  ad  claudendum  paradisi  aditum  cum  gladiis  fuerunt  locati  e  regione  Adae.  Denique  formam  angelo  suo  contulit  Deus,  quae  metu  percelleret  tam  brutum  animal  quam  pseudoprophetam.  Ab  asina  vero  incepit,  quo  impium  hominem  magis  puderet  suae  socordiae.  Iam  narrat  Moses  asinam  primo  abreptam  fuisse  in  cursum  erraticum,  deinde  quum  in  angustiis  esset  deprehensa,  trepide  refugisse,  ut  pedem  domini  parieti  illideret:  tandem  sub  eo  succubuisse.  Certe  expergefieri  debebat  miser  ille  impostor,  nisi  fascinatus  fuisset  a  diabolo.  Et  Moses  diligenter  has  circumstantias  persequitur,  ut  ostendat  non  modo  privatum  fuisse  sensu  communi,  sed  ita  prorsus  attonitum  ut  ad  insigne  miraculum  non  attenderet.  28.  Aperuit  Deus  os  asinae.  Locum  hunc  exagitant  nasuti  homines  ac  subsannant,  ac  si  incredibilem  fabulam  narraret  Moses.  Ac  plausibilis  quidem  videtur  esse  dicacitas,  dum  obiiciunt  nimis  ab  articulata  voce  ruditum  differre:  verum  ut  hodie  licentiose  proterviant,  sentient  tandem  quam  serio  et  reverenter  loquendum  sit  de  mirificis  Dei  operibus,  de  quibus  per  ludibrium  iocando  faceti  videri  appetunt.  Porro  quia  longa  refutatione  indigna  est  earum  garrulitas,  ad  eam  spernendam  contenti  simus  uno  Mosis  verbo,  quum  dicit  Deum  os  asinae  aperuisse.  Unde  enim  hominibus  loquendi  facultas,  nisi  os  eorum  in  prima  mundi  creatione  aperuisset  Deus?  Unde  fit  ut  voces  humanas  imitentur  picae  ac  psittaci,  nisi  quod  rarae  cuiusdam  virtutis  specimen  in  illis  voluit  Deus  edere?  Quis  igitur  mundi  opifici  legem  nunc  imponat,  ne  os  bestiae  formet  ad  exprimendas  voces?  Nisi  forte  necessitate  constrictum  esse  velint,  quia  semel  statuit  aliquem  in  natura  ordinem,  ne  miraculis  potentiam  suam  declaret.  Si  asina  in  hominem  conversa  foret,  documentum  incomprehensibilis  Dei  potentiae  suspicere  decebat.  Nunc  quum  paucas  tantum  voces  elicitas  fuisse  audimus  sine  intelligentia  et  iudicio,  ac  si  per  aerem  spargeretur  aliquis  sonus,  miraculumne  habebitur  pro  fabula?  Quin  etiam  si  voces  edunt  spiritus  immundi  sub  spectris,  cur  non  poterit  Deus  mutas  linguas  ad  loquendum  formare?  Nos  vero  qua  decet  humilitate  revereri  discamus  quod  Deus  in  Calvini  opera.  Vol  XXV,