15:273  273  1554  OCTOB.  274  rissime,  pro  consensione  nostra  contra  Ioachimum  Westphalum.  Laudamus  et  probamus  fidem  et  diligentiam  tuam,  imo  et  gratias  agimus  tuae  pietati  quod  pro  nobis  et  in  communi  causa  tantopere  laboraveris.  Dominus  rependat  tibi  pro  sua  fide  et  munificentia.  Nos  certe  amamus  et  colimus  te  merito.  Quoniam  vero  inter  alia  diserte:  Ego  nostra  omnium  sensa,  inquis,  tenere  mihi  videor,  ut  nihil  aliud  a  me  hic  positum  suisse  confidam  quam  quod  singuli  nostrum  scripturi  essent  etc.  etc.  condonabis  nobis  si  libere,  quid  de  tuis  iudicemus  et  quid  vel  additum,  vel  detractum,  aut  mutatum  cupiamus  iudicaverimus,  ut  revera  te  exacte  sensum  nostrum  expressisse  testari  possimus.  Principio,  in  titulo  Epistolae  ad  ministros  ecclesiarum  Helvetiae  non  praetereundum  aut  omittendum  videtur  Miilhusium  *)  quod  et  Bielensi  ecclesiae  subiungendum  arbitramur.  Deinde  videris  nimis  acerbe  antagonistas  nostros  impetere.  Nam  ter  vel  quater  appellas  ipsos  nebulones,  obiicis  illis  patrios  boves  et  vicinum  glaciale  *  oceanum.  Apellitas  Westphalum  bestiam.  Agnoscimus  quidem  illos  esse  dignos  qui  tractentur  durius,  sed  neque  a  te  neque  a  nobis,  quos  magis  decet  et  ornat  modestia.  D.  Lutherus  huiusmodi  acerbis  conviciis  effecit  ut  multi  viri  non  mali  prorsus  dedignati  sint  eius  libros  legere.  Cuperemus  itaque  scriptum  illud  tuum  ita  moderareris  per  omnia,  ut  simul  retineatnr  et  asseratur  libera  et  simplex  confessio  veritatis  et  christiana  modestia  utque  serviatur  tempori  nostro  admodum  insidioso  efc  turbulento.  Satis  instructus  est  verbis  Westphalus:  huic,  ut  verboso  et  contentioso  homini,  cupimus  ampliorem,  quantum  quidem  fieri  per  nos  potest,  rixandi  praecisam  esse  occasionem.  Sunt  in  Saxonia  et  ad  mare  Balticum,  versus  septentrionem  multa  virorum  bonorum  millia,  quorum  amicitiam,  ut  recte  in  literis  ad  Bullingerum  nostrum  mones,  retinere  praestat.  Metuimus  autem,  ne  illi  quoque  se  cogitarent  perstrictos,  ut  homines  glaciales  vel  frigidos,  bestias  et  nebulones,  nisi  expunxeris  ista,  et  potius  nomen  Ioachimi  Westphali  posueris  diserte,  ut  omnes  intelligant,  nos  contra  Westphalum,  reparatorem  certaminis  sacramentarii,  agere.  Fol.  5  facie  1  2)  eam,  Calvine,  D.  Luthero  doctrinam  ascribis  quam  ipse,  si  viveret,  nec  agnosceret,  nec  agnoscent  illam  vel  hodie  Lutherani,  scriptis  viri  illius  sic  fascinati.  Ex  his  isti  nullo  negotio  tua  illa  omnia  refutare  poterunt,  evincereque  te  illum  ipsum  esse,  quem  Lutherus  venturum  praedixerit,  qui  scilicet  verbis  Lutheri  conetur  sta-  2034.  i)  Cf.  Opp.  Tom.  IX.  pag.  5  not  2)  Cf,  edit.  nostram  pag.  18.  Calvini  opera.  Vol.  XV.