8:272  Neque  enim  simpliciter  dicit  vocatos  (quod  in  reprobos  plerumque  competit,  quos  Deus  promiscue  cum  filiis  suis  ad  poenitentiam  [pag.  37]  fidemque  invitat)  sed  vocatos  secundum  propositum,  quod  stabile  ipso  effectu  ratumque  esse  oportet.  Nam  de  hominis  proposito  insulse  hunc  locum  exponi,  Augustinus  l)  optime  coarguit:  et  ipse  contextus  omnem  scrupulum  eximit,  ne  alieno  opus  sit  interprete.  Sequitur  enim:  Quos  praedestinaverat,  vel  definierat,  eosdem  vocavit:  et  quos  vocavit,  eos  iustificavit.  Hic  de  certo  numero  se  loqui  demonstrat  quem  sibi  Deus  in  peculium  destinavit.  Nam  quum  et  aliis  modis,  et  praesertim  externo  hominum  ministerio  vocet  permultos:  neminem,  nisi  quem  ad  vitam  ordinavit,  iustificat,  ut  tandem  glorificet.  Est  igitur  specialis  quaedam  vocatio,  quae  aeternam  Dei  electionem  sic  obsignat  et  sancit,  ut  patefaciat  quod  prius  fuit  in  Deo  absconditum.  Scio  quid  hic  nonnulli  cavillentur:  Quum  praedestinatos  Paulus  dicat  quos  Deus  praescivit,  suae  quemque  fidei  respectu  eligi.  Sed  ego  illis  quod  falso  imaginantur,  non  concedo,  intelligi  quidquam  fuisse  a  Deo  praevisum,  quod  conciliaret  illis  gratiam:  sed  quia  gratuito  electi  sint,  fuisse  praecognitos.  Quemadmodum  alibi  docet  idem  Paulus,  Deum  novisse  qui  sint  sui  (2  Tim.  2,  19),  quia  scilicet  notatos,  et  quasi  in  suo  censu  numeratos  habeat.  Neque  hoc  quoque  ab  Augustino2)  omissum  est:  Praescientiae  nomen3)  pro  Dei  [pag.  38]  consilio  accipi,  quo  suos  in  salutem  praedestinat.  Praesciri  a  Deo,  quinam  futuri  sint  vitae  haeredes,  nemo  non  fatetur.  Hoc  modo  in  quaestione  versatur,  praevideatne  quid  in  ipsis  facturus  sit,  an  quales  a  se  ipsis  sint  futuri.  Futilis  autem  argutia  est,  arrepta  praescientiae  voce,  electionem,  quam  Paulus  ubique  in  solo  Dei  proposito  includit,  hominum  meritis  alligare.  Petrus  electos  salutat,  secundum  praecognitionem  Dei  (1  Pet.  1,  2).  An  quod  praevisa  in  ipsis  aliqua  virtus  Dei  favorem  ad  eos  inclinaverit?  Atqui  Petrus  homines  inter  se  non  confert,  ut  alios  aliis  faciat  digniores:  sed  decretum  quod  in  se  Deus  statuit,  supra  causas  omnes  in  sublimi  locat:  ac  si  diceret,  nunc  censeri  inter  Dei  filios,  quia  priusquam  nascerentur  electi  fuerint.  Secundum  hanc  rationem  eodem  capite  docet,  Christum  ante  mundi  creationem  fuisse  praecognitum,  ut  sacrificio  suo  mundi  peccata  ablueret.  Quo  procul  dubio  significat,  expiationem  ab  eo  completam  aeterno  Dei  scito4)  fuisse  ordinatam.  Nec  aliter  exponi  potest  quod  in  Petri  concione  apud  Lucam  habetur:  Christum  definito  Dei  consilio  etpraescien-  1)  Lib.  ad  Bonif.  2  cap.  9  et  aliis  locis.  2)  Lib.  de  Bono  persever,  cap.  18.  3)  Princeps  male  scripserat:  nomen  non  ete.  4)  consilio  Beza.