7:272  quam  iactat,  donationis  fidem  nobis  faciat.  Adeo  nihil  eum  pudet,  ut  nugas  quae  iam  pueris  sunt  ludibrio,  imperatori  pro  certis  oraculis  obtrudere  non  dubitet.  Olim  quidem  magno  supercilio  de  hoc  figmento  garriebant  stulti  canonistae,  sed  iam  talibus  ineptiis  desiit  esse  locus.  Qua  porro  causa  tam  fidelem  sedis  suae  cultorem  facit  Theodosium?  qui  quum  Ambrosio  singularem  reverentiam  detulerit,  quod8)  unquam  in  pretio  habuerit  sedem  romanam  aut  eius  sessores,  nusquam  legitur.  Mirum  certe,  quod  non  et  Traianum  addiderit.  Caroli  Magni  victorias  huic  uni  vel  superstitioni,  vel  astuto  consilio  acceptas  referre,  quod  sedem  illam  abominationis  extulerit,  quem  omnino  colorem  habet?  Perinde  [pag.  64]  facit,  dum  ex  tot  heroicis  et  memorandis  Caroli  virtutibus  vitium  hoc  decerpit,  quod  laudet,  atque  ii  qui  in  auro  non  nisi  scoriam  legunt.  28)  Quis  non  fustibus  magis  et  lapidibus,  quam  verbis  compescendum  hunc  impuri  canis  latratum  dicafc?  quod  Dei  vindictam  Iustiniano  inflictam  non  manifestae  eius  impietati,  quam  in  sustinenda  eutychiana  haeresi  prodidit,  sed  ad  unam  contumaciam  transferat,  qua  sedis  romanae  maiestatem  imminuerit?  En  palam  Anastasius  fidem  orthodoxam  impugnat.  Exsecrabilis  in  Christum  blasphemiae  fautorem  se  et  vindicem  profitetur.  Piam  et  salutarem  de  incarnationis  mysterio  doctrinam  labefactat,  quantum  potest.  Ecclesiam  universam  turbat,  ac  dissipat  perniciosis  dissidiis,  fulmine  tandem  ictus  misere  perit.  Nullam  eiusmodi  interitus  aliam  causam  fuisse  pronunciat  Frenesius,  quam  quod  Hormisdae  et  Gelasio  rebellis  fuit.  Quis  autem  credet?  res  {Gallus:  predecesseurs).  Haec  posterior  lectio  magis  qua-