5:272  quum  nemo  non  videat,  eo  duntaxat  spectasse  ipsum,  ut  quando  minime  licebat  Israelitis  publicani  gentis,  sub  cuius  imperio  ac  iugo  degerent,  superstitionem  cohibere,  suae  tamen  religionis  integritatem  sibi  privatim  in  animis  suis  retinerent:  non  est  quod  idololatriae  suae  patronum  boni  isti  viri  eum  idcirco  advocent,  [pag  38]  Quod  si  ad  hanc  ipsam  prophetae  trutinam  recte  expendere  sua  facta  in  animum  inducant,  suo  semet  gladio  iugulari  facile  perspicient.  Qualis  enim  hic  quaeso  fuerit,  imo  quis  esse  omnino  poterit,  qui  conscientia  intus  Deo  canente,  ipsum  esse  unum  quem  deceat  adorari,  vultum  externumque  corporis  gestum  componere  ad  idoli  adorationem  sustineat  ?  Ipsos  proinde  interrogo,  qua  conscientia  eodem  temporis  momento,  quo  Deum  solum  qui  adoretur  dignum  esse  apud  se  recognoscunt,  idola  venerari  se  palam  apud  homines  simulant?  Quid  enim  arcana  ista  confessione  proficiunt,  nisi  quod  externam  illam  suam  idololatriam  coram  Dei  tribunali  proprio  animi  testimonio  accusant?  Quare,  quod  in  eiusmodi  simulandi  improbitate  prophetae  consilio  se  obtemperare  iactant,l)  frustra  id  mentiuntur.  Neque  enim  ab  illis  quidquam  plus  ipse  exigo,  quam  quod  ille  (quisquis  est  scriptor)  suis  popularibus  imperabat:2)  nempe  ut  publice  sacrum  Dei  nomen  profanari  dum  aspiciunt,  tacitis  animi  votis  ipsum  apud  se  sanctificent:  tantum  ne  externis  significationibus,  eius  se  profanationis  consortes  esse  testentur.  Ad  haec,  siquid  ea  simulatione  peccant,  exemplo  Pauli  se  peccare,  ostendere  conantur,  qui  non  valde  dissimili  fictione  usus  fuerit,  quum  ad  recolligendam  gentis  suae  gratiam,  votum,  cuius  caeremoniam  cum  caeteris  legis  umbris  abrogatam  esse  noverat,  nuncupavit,  atque  ad  id  persolvendum  detonsus,  et  ex  legis  praescripto  purificatus  in  templo  se  stitit,  spectandumque  omnibus  exhibuit  (Act.  21,  26).  Non  hic  dicam,  quod  vel  eorum  nonnullis  arrisurum  esse  certo  scio,  nos  perperam  agere,  si  eam  Pauli  astutiam,  ad  imitandum  nobis  proponamus,  quam  infelici  successu  castigatam  minime  sibi  placere  Dominus  declaravit:  quandoquidem  rationem  esse  nullam  video,  cur  hoc  Pauli  facinus  pravae  versutiae  insimulemus.  Sed  eos  toto  coelo  hic  quoque  errare  dico,  qui  innoxiam,  nullaque  impura  superstitione  aspersam  Pauli  detonsionem  cum  sacrilegis  ritibus  comparandam  putent.  Nam  ut  demus,  Nazaraeorum  purificationem  et  oblationem  id  fuisse  caeremoniae  genus,  quod  prodeunte  Christo  una  cum  reliquis  mosaicae  legis  figuris  evanescere  debuerit:  quia  tamen  nullum  alium  in  finem  institutum  erat,  quam  ad  referendam  Domino  gratiarum  actionem,  ac  sacrificium  laudis  offerendum,  ex  eorum  utique  numero  fuit,  in  quibus  1)  Edd.  rece.  1576  *eqq.:  iactent.  2)  Eaedem  habent:  imperat.