49:272  Deus  quod  per  os  hominis  loquutus  est,  intus  spiritu  suo  perficiat  Summa  voti  est,  ut  eorum  animos  in  veram  consensionem  redigat,  ac  vere  inter  se  conspirare  faciat.  Simul  etiam  indicat  quale  sit  vinculum  istius  unitatis,  dum  vult  ut  consentiant  secundum  Christum.  Misera  enim  conspiratio  est,  quae  fit  extra  Deum:  illa  autem  extra  Deum  est,  quae  ab  eius  veritate  nos  alienat.  Ac  quo  magis  commendabilem  reddat  consensionem  in  Christo,  docet  quantopere  sit  necessaria:  quando  non  vere  a  nobis  glorificatur  Deus,  nisi  in  ipsius  laudem  corda  omnium  consentiant,  et  linguae  etiam  concinant.  Non  est  ergo  quod  iactet  quispiam,  se  Deo  gloriam  daturum  suo  more:  tanti  enim  Deo  est  servorum  suorum  unitas,  ut  inter  dissidia  et  contentiones  gloriam  suam  personare  nolit.  Haec  una  cogitatio  satis  cohibere  debebat  insanam  contendendi  rixandique  lasciviam,  quae  multorum  animos  hodie  nimis  occupat.  7.  Itaque  suscipite  vos  mutuo,  quemadmodum  Christus  vos  suscepit  in  gloriam  Dei.  8.  Dico  autem  Iesum  Christum  ministrum  fuisse  circumcisionis  super  veritate  Dei  ad  promissiones  patrum  confirmandas.  9.  Gentes  autem  pro  misericordia  glorificare  debent  Deum:  quemadmodum  scriptum  est:  Propter  hoc  confitebor  tibi  inter  gentes,  et  nomini  tuo  psallam.  10.  Et  rursum  dicit:  Exsultate  gentes  cum  populo  eius.  l  l  .  J��  rursum:  Laudate  Dominum,  omnes  gentes,  et  collaudate  eum  omnes  populi  12.  Et  rursum  Iesaias  dicit:  Erit  radix  Iesse,  et  qui  exsurget  ad  imperandum  gentibus,  in  ipso  gentes  sperabunt.  7.  Itaque  suscipite.  Redit  ad  exhortationem,  in  qua  confirmanda  semper  exemplum  Christi  retinet.  Neque  enim  ille  unum  aut  alterum  nostrum,  sed  omnes  simul  complexus,  ita  nos  coniunxit,  ut  fovere  nos  invicem  debeamus:  si  quidem  volumus  in  eius  sinu  permanere.  Ita  ergo  demum  confirmabimus  nostram  vocationem,  si  non  separabimus  nos  ab  iis  quibus  nos  Dominus  colligavit.  Particula  in  gloriam  Dei,  vel  ad  nos  modo,  vel  ad  Christum,  vel  ad  ipsum  et  nos  simul  referri  potest:  quod  postremum  mihi  magis  placet,  in  hunc  sensum:  quemadmodum  Christus  patris  gloriam  illu*  stravit,  nos  omnes  in  gratiam  recipiendo,  quum  misericordia  indigeremus:  sic  nos  ad  illustrandam  quoque  eiusdem  Dei  gloriam,  coniunctionem  illam  8tabi}ire  ac  sancire  decet,  quam  habemus  in  Christo.  8.  Dico  autem  Iesum  Christum.  Nunc  ostendit  qualiter  nos  omnes  amplexus  sit  Christus:  ubi  nihil  relinquit  discriminis  inter  Iudaeos  ac  gentes,  nisi  quod  iudaicae  genti  primo  loco  promissus  ac  quodammodo  peculiariter  destinatus  fuit,  priusquam  gentibus  exhiberetur.  Caeterum  in  eo  quod  seminarium  omnium  contentionum  erat,  nihil  interesse